*kurzitajiet min aħbarijietdotcom

[RIDER]

Ivvintata faxxa li tħaffiflek il-fejqan

Gabriel ELLUL
5 ta' Jannar, 2012 22:31 CET Fi skoperta li saret f'dawn l-aħħar xhur, riċerkaturi f'Illinois, fl-Istati Uniti, ivvintaw faxxa li **** titqiegħed fuq il-ġrieħi tħaffef il-proċess ta' fejqan. Dan hu possibli minħabba li l-faxxa għandha timbru mikroskopiku fil-ħjata tagħha, timbru li jarmi sustanzi li jiggwidaw il-mod kif l-arterji jerġgħu jikbru fil-ġerħa tal-pazjent.


Billi tikkontrolla l-iżvilupp tal-arterji, iktar nutrijenti jkunu jistgħu jitwasslu lill-partijiet tal-ġisem affetwati, kemm jekk din tinvolvi l-għadam, il-muskoli jew il-ġilda.

 

[RIDER]

Ġappuniż jiftaħ villaġġ fil-qalba ta' Tokjo

Gabriella FARRUGIA
29 ta' Jannar, 2012 19:26 CET Raġel Ġappuniż, Takeshi Kobayashi, se jiftaħ villaġġ li jġib l-isem ta' Yoyogi.


Yoyogi- li l-isem ifisser ''ġenerazzjoni tas-siġar'' huwa villaġġ żgħir fil-qalba ta' 'Tokjo li ilhu jeżisti sa mis-sena 1889 iżda qatt u mkien ma jissemma fl-ebda mappa turistika ta' Tokjo. U dan għaliex għalkemm il-villaġġ jinsab ftit il' bogħod mill-istazzjon tal-ferrovija ta' Tokjo, it-trejqa li twasslek għal dan il-villaġġ hi diffiċli biex issibha.


Dan raġel li huwa produttur tal-mużika ddeċida li jittrasforma dan il-villaġġ f'eco-park mimli ħwienet,restoranti, spazju wiesgħa fejn jistaw jiġu organizzati avvenimenti kif ukoll ġnien enormi.


Hekk kif f'dawn is-snin kollha Yoyogi qatt ma ssemma', wara din it-trasformazzjoni hu maħsub li ma jdumx ma jkun fuq fomm kulħadd.

 

[RIDER]

instabu kranji ta' 33 elf sena ilu

Amy BORG
30 ta' Jannar, 2012 19:17 CET Fil-Belġju u fis-Siberja nstabu kranji taħt l-art ta' klieb li kienu jgħixu mat-33 elf sena ilu.


Minn studju li sar jirriżulta li dawn il-klieb kienu klieb domestiċi. Dan huwa xhieda tal-fatt li l-kelb sar annimal domestiku ħafna snin qabel ma saru annimali domestiċi numru ta' annimali oħrajn.


Mill-istudju li sar fuq dawn il-kranji jidher ċar li l-klieb kienu jservu ta' kumpanija u ta' protezzjoni għall-bniedem sa mill-qedem. Dan minħabba l-geddum u x-xedaq ta' dawn il-klieb, li għandhom forma differenti minn dawk ta' annimali oħra li huma aktar agressivi, bħal fil-każ tal-lupu, li għandu xedaq inqas miftuħ u geddum itwal.


Ix-xjenzati użaw l-metodu magħruf bħala carbon ******, sabiex jaraw għal-liema żmien imorru lura dawn il-kranji tal-klieb. Ġiet eżaminata wkoll l-istruttura tal-għadam li nstab.


Skont Greg Hodgins li huwa riċerkatur fl-Universita' ta' Arizona, l-kelb minn dejjem kien dak l-annimal li jipprovdi kumpanija u protezzjoni lill-bniedem.


Hodgins sostna wkoll l-aktar fatt interessanti li joħroġ mis-sejba ta' dawn il-kranji hu dak li l-kelb minn dejjem kien l-aqwa ħabib tal-bniedem, saħansitra, anke 33 elf sena ilu.


L-intelligenza tal-klieb minn dejjem kienet tiġi nnotata u apprezzata.


Dan jgħodd ukoll għal żminijiet ferm aktar riċenti. Fil-fatt, skont riċerka oħra, li tmur lura għall-1939, in-Nażisti għażlu li jgħallmu lill-klieb tagħhom, biex jaqraw, jitkellmu u jagħrfu l-ittri.


Dan kienu għamluh bl-iskop li jirnexxilhom jirbħu t-tieni gwerra dinija. Adolf Hitler saħansitra pprova jibni armata ta' klieb perikolużi li kienu kapaċi jitkellmu.


Skont din ir-riċerka straordinarja, uffiċjali Nażisti, apparti li kienu jgħallmu lill-klieb jitkellmu kienu anke jgħallmuhom biex iwasslu sinjali b'saqajhom. Jingħad li kien hemm xi klieb li nstemgħu jitkellmu dwar ir-reliġjon u anke dwar il-poeżija. F'każ minnhom, jintqal li kelb partikolari, **** mistoqsi minn kien Adolf Hitler, wasal biex qal il-kliem "mexxej tiegħi".

 

[RIDER]

Erba' studenti Maltin jieħdu sehem f'simulazzjoni fir-Renju Unit


13 ta' Frar, 2012
Jannar li għadda Laura Muscat, Vivienne Bajada, Jean-Paul Gatt u Tobias Roth, erbgħa studenti mill-Istitut tal-Istudji Ewropej tal-Universita’ ta’ Malta żaru tar-Renju Unit sabiex jipparteċipaw f’SUNY MEU ġewwa l-Universita’ ta’ Exeter. Din tirreferi għall-iState University of New York u s-simulazzjoni organizzata minn din l-Universita’, li tiġi imtella’ annwalment u li hija arranġament trans-Atlantiku li jippromwovi komunikazzjoni fuq affarijiet globali bejn studenti Ewropej u dawk Amerikani. Din l-attivita’ tagħti ukoll opportunita’ sabiex studenti jitgħallmu iktar dwar l-infrastruttura tal-Unjoni Ewropea (UE) u l-interazzjonijiet eżistenti li hemm f’Istituzzjonijiet Ewropej f’laqgħat bejn il-pajjiżi membri.

Il-fatt li l-avveniment sar ġewwa Exeter li fi kliem Dickens stess hija ‘l-isbaħ mill-isbaħ kontej Ingliżi’ espona il-parteċipanti għal kultura ta’ belt li għandha kważi elfejn sena ta’ storja. Il-Katidral ta’ San Pietru li baqa’ wieqaf anka jekk kien ibbumbardjat waqt it-Tieni Gwerra Dinjija huwa ta’ stil gotiku ingliż b’ħafna ħġieġ ikkulurit. J. K. Rowling, l-awtriċi tal-kotba ferm famużi ta’ Harry Potter kienet fil-fatt tistudja l-lingwa Ingliża ġewwa l-Universita’ ta’ Exeter, ħadet ħafna mill-ispirazzjonijiet tagħha għall-postijiet deskritti fil-kotba minn Exeter stess – Diagon Alley oriġinat minn Gandy Street u it-turġien jiċċaqalqu ġewwa Hogwarts mill-ammont eżaġerat ta’ turġien ġewwa l-Universita’ stess. Xejn ma ngħidu dwar l-Universita’ ta’ Exeter li hija indurata b’kemm bini qadim kif ukoll dak ultra-modern, mifrudin b’firxa ta’ ġonna botaniċi u ħdura.

Fis-simulazzjoni innifisha, it-tim Malti irrappreżenta l-Portugall. Laura ħadet ir-rwol ta’ Kap ta’ Stat, fil-kaz tagħha Pedro Passos Coelho, Vivienne ta’ Vitor Gaspar (il-Ministru responsabbli mill-Ekonomija u l-Finanzi), Tobias ta’ Paolo Portas (il-Ministru tal-Affarijiet Barranin) u Jean-Paul ta’ Manuel Lobo Antunes (ir-Rappreżentant Permanenti jew COREPER). Kull ‘ministru’ kellu aġenda differenti li tiġi diskussa f’laqgħat separati, diskussjonijiet li varjaw mit-taxxa fuq transazzjonijiet finanzjarji jew kif inhi magħrufa bħala t-Tobin Tax, il-possibilita’ ta’ taskforce komuni Ewropea u l-formulazzjoni ta’ pjan t’azzjoni fil-konfront ta’ drogi. L-iktar dibattitu sħun kien ovjament jirrivolvi fuq il-kriżi tal-Ewro u jekk tistax tinstab soluzzjoni vijabbli, kemm għall-dawk il-pajjiżi li qegħdin fiż-żona Ewro kif ukoll dawk li qegħdin fl-UE u kif din il-kriżi qed taffettwa lill-UE fir-relazzjonijiet internazzjonali u globali tagħha. Fl-aħħar tal-konferenzi, il-proposti kollha għaddew lill-Kapijiet tal-iStati membri sabiex isiru l-aħħar diskussjonijiet u approvazzjonijiet fuqhom, li ġew ippreżentati u ippubblikati fl-aħħar tal-konferenza.

Nixtiequ nirringrazzjaw lil Mr. Elijah Waterman mill-Ambaxxata Amerikana ġewwa Malta u lil Prof. Roderick Pace u Dr. Mark Harwood mill-Istitut tal-Istudji Ewropej tal-Universita’ ta’ Malta tal-għajnuna finanzjarja għal din l-attivita’.

Jannar li għadda Laura Muscat, Vivienne Bajada, Jean-Paul Gatt u Tobias Roth, erbgħa studenti mill-Istitut tal-Istudji Ewropej tal-Universita’ ta’ Malta żaru tar-Renju Unit sabiex jipparteċipaw f’SUNY MEU ġewwa l-Universita’ ta’ Exeter. Din tirreferi għall-iState University of New York u s-simulazzjoni organizzata minn din l-Universita’, li tiġi imtella’ annwalment u li hija arranġament trans-Atlantiku li jippromwovi komunikazzjoni fuq affarijiet globali bejn studenti Ewropej u dawk Amerikani. Din l-attivita’ tagħti ukoll opportunita’ sabiex studenti jitgħallmu iktar dwar l-infrastruttura tal-Unjoni Ewropea (UE) u l-interazzjonijiet eżistenti li hemm f’Istituzzjonijiet Ewropej f’ laqgħat bejn il-pajjiżi membri.

Ringrazzjament speċjali jmur lis-Sur Elijah Waterman mill-Ambaxxata Amerikana ġewwa Malta u lil Prof. Roderick Pace u Dr. Mark Harwood mill-Istitut tal-Istudji Ewropej tal-Universita’ ta’ Malta tal-għajnuna finanzjarja għal din l-attivita’.

 

[RIDER]

Iċċelebrat Jum l-Imħabba

Angelo MICALLEF
14 ta' Frar, 2012
Għal ħafna madwar id-dinja l-14 ta' Frar huwa sinonimu mal-qlub, ward, soft toys, kartolini u messaġġi romantiċi hekk kif f'dan il-jum jiġi ċelebrat Jum San Valentinu; il-ġurnata li fiha tiġi ċċelebrata l-imħabba. Hafna huma dawk li jgħatu xi rigal lil maħbub jew maħbuba tagħhom filwaqt li jipprovaw ikunu kemm xejn aktar romantiċi ma' xulxin.


Jum San Valentinu kien ċelebrat għall-ewwel darba bħala festa reliġjuża; festa għal qaddis li dwaru huwa magħruf ftit li xejn u kien għalhekk li eventwalment il-knisja Kattolika waqfet tiċċelebra din il-festa. Madankollu l-ewwel darba li l-festa ħadet xejra romantika kienet permezz tal-kitba tal-kittieb magħruf Ingliż Geoffrey Chaucer speċifikament fil-poeżija Parlement of Foules li nkitbet fl-1382. Fil-fatt fis-seklu ħmistax kien diġa komuni li jintbgħatu kartolini u jingħata l-ħelu f'dan il-jum.


L-era tat-teknoloġija moderna rat Jum San Valentinu jaffetwa wkoll l-posta elettronika hekk kif illum bosta huma dawk li jibgħatu xi kartolina elettronika minflok il-kartolina tradizzjonali. Huma stmat li fl-Istati Uniti biss fis-sena 2010 ntbgħatu 15-il miljun kartolina elettronika.

 

[RIDER]

RENJU UNIT
Charlie Chaplin kien Franċiż?


17 ta' Frar, 2012 19:38 CET Skont dokumenti tas-servizzi sigrieti Ingliżi u li issa nfetaħ l-aċċess għalihom, kien investigat jekk l-attur leġġendarju Charlie Chaplin fil-verità kienx Franċiż bl-isem Israel Thornstein.


Is-servizzi sigrieti Ingliżi ma setgħu isibu ebda traċċa tat-twelid tal-attur fir-Renju Unit minkejja li Chaplin dejjem kien isostni li twieled f’Londra fl-1889. Il-misterju dwar fejn twieled kien feġġ wara li l-awtoritajiet Amerikani talbu lill-MI5 biex jinvestigaw il-passat tal-attur wara li telaq mill-Istati Uniti fl-1952 bid-dell fuqu ta’ suspett li kien Komunista.


Imma l-MI5 ma setgħu jsibu ebda ċertifikat tat-twelid u d-dokument li l-aktar kien imur lura fiż-żmien marbut miegħu kien passaport li kien inħariġlu fl-1920. L-Ingliżi investigaw il-possibbiltà li kien twieled fi Franza filwaqt li l-Amerikani sostnew li ismu proprju kien Israel Thornstein u aktarx kien Lhudi Russu.


Iżda minkejja investigazzjoni bir-reqqa, il-MI5 ma setgħu jsibu xejn u l-passat ta’ Chaplin għadu misterju sal-lum. Imma l-MI5 warrbu l-allegazzjonijiet Amerikani li Chaplin kien Komunista perikoluż u kkonkludew li forsi seta’ kellu simpatiji Komunisti. Hu kien persuna progressiva u saħqu li ma sabu xejn li jindika li kien theddida għas-sigurtà.


Chaplin kien isostni li kien twieled fis-16 ta’ April tal-1889 f’East Street f’Walworth fin-Nofsinhar ta’ Londra. Imma l-MI5 kienet sostniet li jew Chaplin ma kienx twieled fir-Renju Unit inkella kien twieled taħt isem ieħor.


Ftit dawl fuq il-misterju twaddab is-sena l-oħra **** l-familja ta’ Chaplin sabet ittra f’kexxun li kien magħluq fejn jingħad li aktarx kien twieled f’kamp taż-żingari fi Smethwick qrib Birmingham. Hu magħruf li omm Chaplin Hannah Hill kellha għeruq fil-komunità taż-żingari Ingliżi.


Chaplin kien miet f’Jum il-Milied tal-1977 fl-età ta’ 88 sena fl-Iżvizzera.

 

[RIDER]

Serje fuq Canale 5 li saret f'Malta


22 ta' Frar, 2012
Is-serje li tkopri sitt thrillers ta’ 100 minuta-il wieħed se jibdew jixxandru fuq Canale 5 mill-lejla l-Erbgħa fid-9.15 ta' filgħaxija.


Wara għajnuna mogħtija mill-Awtorità Maltija tat-Turi'>mu (MTA) bejn l-2010 u s-sena l-oħra, il-kumpanija Taljana għall-produzzjonijiet televiżivi Leader Films, ġibdet serje ta’ sitt partijiet bl-isem Sei Passi Nel Giallo esklussivament fil-gżejjer Maltin.


Leader Films, flimkien ma’ Mediaset u Dolphin Entertainment, daħlu fi ftehim ta’ distribuzzjoni ma’ Sony Pictures Studios biex jipproduċu s-serje, li tkopri sitt thrillers ta’ 100 minuta-il wieħed u li se jibdew jixxandru fuq Canale 5 minn għada l-Erbgħa fid-9.15 ta' filgħaxija.


L-ewwel episodju għal din il-ġimgħa, bl-isem ta’ Presagi, se jkun segwit b’films oħrajn fil-ħames ġimgħat li ġejjin.


Minbarra li nġibdu f’pajjiżna, l-iscipts tal-episodji huma bbażati f’Malta u allura l-pajji'> se jkun qed jingħata espo'>izzjoni mill-aqwa. L-episodji se jkunu qed juru diversi djar u binjiet prestiġjużi Maltin, b’viżwal tagħhom minn ġewwa kif ukoll fuq barra.


Is-serje Sei Passi Nel Giallo tinkludi cast ta’ atturi Taljani u oħrajn internazzjonali, fosthom, Kevin Sorbo, Andrea Osvart, Rob Estes, Clayton Norcross, Jane Alexander, Daniele Pecci u Paolo Seganti. Tinkludi wkoll numru ta’ atturi popolari Maltin, bħal Edward Mercieca, Paul Portelli, Ninette Micallef u Isabelle Warrington.


Is-serje għandha direzzjoni ta’ Lamberto Bava u ta’ ibnu Roy Bava.

 

[RIDER]

Kisba ta' sirena u deflectors tat-Tieni Gwerra Dinjija mill-FWA

Hermann MICALLEF
24 ta' Frar, 2012 12:46 CET Il-konservazzjoni u r-restawr tal-wirt storiku jibqgħu jingħataw prijorita' mill-Fondazzjoni Wirt Artna fl-impenn tagħha li tikkonserva l-istorja ta' Malta u ma tħallix wirt storiku jinqered.


Mill-MCSAT f'Tarġa Gap fil-Mosta, il-Fondazzjoni Wirt Artna kisbet sirena li kienet taħdem bl-elettrriku u deflector oriġinali tat-Tieni Gwerra Dinjija biex ikunu restawrati u jitpoġġew fil-Mużew Malta at War f'Couvre Porte fil-Birgu. Dawn tniżżlu minn fuq it-torri tal-MCAST fil-Mosta permezz ta' krejn fil-preżenza ta' Mario Farrugia, l-Uffiċjal Eżekuttiv Ewlieni tal-Fondazzjoni.


B'kollox, fit-Tieni Gwerra Dinjija kien hemm 14-il sirena li kienu jaħdmu bl-elettriku u li minnhom fadal biss madwar tlieta. Flimkien ma' dawn kien hemm ukoll numru ieħor ta' sireni li jitħaddmu bl-idejn u li kienu jintużaw **** ma kienx ikun hemm dawl.


Mario Farrugia qal li jirriżulta li s-sound deflector li ittieħed mill-Mosta hu l-uniku wieħed li fadal u għalhekk għandu valur storiku uniku. Fil-maġġoranza tagħhom dawn is-sireni kienu jitpoġġew fil-lokalitajiet tal-Port il-Kbir, li fil-fatt kienu l-aktar lokalitajiet milqutin mill-gwerra.

 

[RIDER]

L-AWSTRALJA
Il-koala speċi mhedda


1 ta' Mejju, 2012 20:07 CET Il-koala, speċi ta' ors żgħir, minn dejjem kien simbolu tal-Awstralja iżda issa l-popolazzjoni ta' dan l-annimal tant hi mhedda f'partijiet tal-pajjiż, li kien dikjarat “speċi taħt theddida.” Il-Gvern Awstraljan qal li dan l-annimal kien mhedded serjament minn diversi fatturi fosthom l-iżvilupp kif ukoll il-bdil fil-klima.

Bħala konsegwenza ta' dan, il-koala fl-Istati ta' Queensland, New South Wales u l-Australian Capital Territory għall-ewwel darba tpoġġa fuq il-lista nazzjonali ta' speċi li jinsabu fi stat vunlerabbli li jgħibu. Uffiċjali qalu li fost l-oħrajn fi Queensland kien hemm nuqqas f'dawn l-aħħar 20 sena bil-popolazzjoni tal-koala tonqos b'20 fil-mija u fi New South Wales b'terz.

Skont rapport li kien tfassal mis-Senat Awstraljan is-sena li għaddiet, theddida oħra serja għal dawn l-annimali kienu l-klieb domestiċi, partikularment **** jkun hemm ħafna sħana. Dan peress li l-annimal jidħol fil-ġonna tan-nies, spiss biex ifittex l-ilma u jispiċċa fil-mira tal-klieb. Problema oħra hi d-dieta tal-annimal, il-weraq tal-ewkaliptu, siġra li qed issir aktar rari hekk kif l-art fejn kienet tikber qed tintuża għall-bini.

Min-naħa l-orħa ntqal li f’Victoria u South Australia, il-popolazzjoni tal-koala splodiet tant li hemm bżonn li n-numru tagħhom jkun imrażżan. Hu stmat li b'kollox hemm bejn 100,000 u 200,000 koala fil-pajjiż kollu.

 

[RIDER]

X’jagħmlu **** jirbħu l-miljuni fil-lotteriji


18 ta' Mejju, 2012 20:05 CET Skont stħarriġ li għadu kemm sar fost dawk li rebħu miljuni ta’ Lira Sterlina fil-lotterija tal-pajjiż, hot-tubs, walk-in wardrobes u klieb huma fost l-aktar affarijiet popolari li jinxtraw minnhom fl-ewwel ġranet.

Jirriżulta li madwar nofs ir-rebbieħa, f’temp ta’ tliet xhur minn rebħa kbira fil-lotterija, ibiddlu l-post fejn ikunu qed jgħixu u l-istħarriġ ta’ miljunarji ġodda sab li 29 fil-mija l-ewwel li marru jixtru hu hot tub u numru simili, 28 fil-mija, walk-in wardrobe. Kien madwar kwart li fir-residenza ġdida tagħhom poġġew kanċell tal-ħadid elettriku filwaqt li wieħed minn kull ħamsa għamlu games room u 17 fil-mija xtraw mejda tas-snooker. Kien hemm wieħed minn kull ħamsa li xtraw kelb tar-razza filwaqt li wieħed minn kull 25 rebbieħ xtraw qattus skont l-istħarriġ mill-Camelot, il-kumpanija li torganizza l-lotterija nazzjonali fir-Renju Unit.

Kien hemm 16 fil-mija li hekk kif kisbu rebaħ kbira adottaw stil tajjeb ta’ ħajja b’gym fid-dar u ikel tajjeb u wieħed minn kull għaxra installaw bar fid-dar beix jiċċelebraw ir-rebħa mal-ħbieb. Kien hemm min stqarr li kien xtara tliet pjanijiet fid-dar u ieħor li xtara bir fejn wieħed jista’ jwaddab munita u jagħmel xewqa. Kien hemm wieħed minn kull għaxra li qalu li fir-residenza ġdida tagħhom kellhom xmara jew lag. Imbagħad ħaġa tal-iskantament, anqas minn terz qalu li kienu jimpjegaw lil xi ħadd biex iżomm id-dar ġdida nadifa.

 

[RIDER]

Lady Gaga fiċ-ċentru ta' polemika oħra


19 ta' Mejju, 2012 18:29 CET Madwar 200 Nisrani Filippin ħadu sehem fi protesta kontra l-kunċert li se tagħmel f'Manila l-kantanta Lady Gaga. Hi bħalissa qed tagħmel tour tal-Asja u kien hemm polemika f'pajjiżi oħra tant li fl-Indoneżja, ma ngħatatx permess għal kunċert. Dan minħabba l-mod kif tuża simboli reliġjuzi u sesswali waqt il-kunċerti.

 

[RIDER]

Ġappuniż jipprotesta dwar mistoqsija fi kwiżż

Ivan VASSALLO
21 ta' Mejju, 2012 11:03 CET Katzuro Matsuda, għalliem tal-lingwi fil-Ġappun qed jipprotesta kontra t-telfa ta' miljun ewro fi kwiżż. Mistoqsi jekk kienux saru il-logħob tat-tazza tad-dinja tal-1942, Matsuda wieġeb li dawn saru fil-Patagonja li tinsab fin-nofsihar tal-Arġentina. Għalkemm il-Ġermanja Nażista u l-Brażil xtaqu li jorganiżżaw dan il-logħob fl-1942 u 1946 rispettivament, minħabba t-Tieni Gwerra Dinjija, it-Tazza tad-Dinja kellha tistenna sas-sena 1950 biex terġa' tkun organiżżata.


Matzuda ma laqax b'mod pożittiv it-telfa ta' kważi miljun ewro. Wara li rabat lilu nnifsu bi ktajjen u attakka l-FIFA li skont Matzuda kienet ħbiet kull referenza lejn il-kampjonat li ntlagħab fl-Arġentina fl-1942, huwa fetaħ blogg fejn appella lil kull min kellu informazzjoni dwar dan il-kampjonat biex jibgħat l-informazzjoni.


Fost is-sorsi storiċi li jidhru fuq dan il-blogg hemm vidjo li allegatament sar l-Arġentina biċ-ċerimonja tal-ftuh u li jinstab fl-arkivju ġenerali fi Buenos Aires u dokument dubjuż tal-gvern Nażista fejn jintqal li kull evidenza tal-kampjonat kellha titneħħa kieku l-Ġermanja ma rebħitx il-kampjonat.

 

[RIDER]

Irkantat ritratt tal-Beatles jaqsmu Abbey Road... min-naħa l-oħra


22 ta' Mejju, 2012 10:15 CET Ir-ritratt tal-erba' Beatles jaqsmu ż-zebra crossing f'Abbey Road, Londra, sar ikona moderna u wieħed mill-aktar ritratti famużi u imitati, tant li fl-2010 l-istess triq ingħatat l-istatus ta' Grade II listed building, li jfisser li għandha valur turistiku u kulturali li jrid isir kull sforz biex tiġi ppreservata.


Issa, proprju llum waranofsinhar, ser isir irkant ta' ritratt ieħor ta' The Beatles meħud fl-istess sessjoni, din id-darba mexjin fid-direzzjoni opposta, mil-lemin għax-xellug.

Apparti hekk, ir-ritratt juri wkoll lil Paul McCartney, li fir-ritratt oriġinali jidher ħafi (l-uniku wieħed mill-Fab Four), liebes is-sandli, filwaqt li ma jidhirx is-sigarett li hemm f'idu fir-ritratt oriġinali.


Is-sensiela ta' sitt ritratti kienet ittieħdet fl-1969 mill-fotografu Ian Macmillan, minn fuq sellum f'nofs ta' triq, waqt li pulizija tat-traffiku żamm il-karozzi.


L-irkant tar-ritratt mistenni jtella' mal-€11,000.

 

[RIDER]

Ittra ta' Napuljun bl-Ingliżi se tiġi rkantata

Carl FARRUGIA
7 ta' Ġunju, 2012 10:24 CET Ittra bl-Ingliż tal-Imperatur Franċiż Napuljun Bonaparte tinsab għall-wiri f'Pariġi. L-ittra li se tiġi rkantata f'Fontainbleau, fin-nofsinhar ta' Pariġi, fi tmiem il-ġimgħa mistennija tibiegħ għall-valur ta' €80,000.


Din l-ittra kienet inkitbet f'Marzu tal-1816 **** kien jinsabu f'eżilju fil-gżira ta' sant'Elena. Hija waħda mit-tliet ittri li huwa bagħat waqt l-eżilju wara li kien tilef il-battalja ta' Waterloo. Ftit wara li beda l-eżilju huwa kien beda jieħu l-lezzjonijiet tal-Ingliż.

 

[RIDER]

Jinstab teżor f'Iżrael

Ivan VASSALLO
7 ta' Ġunju, 2012 17:40 CET Waqt skavi viċin il-belt ta' Qiryat Gat f'Iżrael nsabet ħażna ta' ġawhar, ġojjelli u dehebijiet li jmorru lura għall-perjodu Ruman.Dawn il-ġojjelli nstabu f'kmamar tal-perjodu Ruman u Biżantin, milli jidħer f'dik li kienet il-bitha prinċipali ta' dik id-dar is-sid kien ħaffer ħofra fejn tefa' t-teżor tiegħu, li nstab din is-sena moħbi f'pezza drapp.


Skont l-arkeologu Emil Aladjem, id-direttur tal-iskavi, instabu bosta ġojjeli u flus ta' perjodi differenti sa l-117 AD.


Dan it-teżor ittieħed f'Ġerusalemm mill-Awtorita' tal-Antikitajiet għal trattament fil-laboratorji.

 

[RIDER]

Fenomenu rari bejn Venere u x-Xemx


6 ta' Ġunju, 2012 18:34 CET Xeni spettakolari għal dawk kollha dilettanti tal-astronomija, iżda mhux biss. Dan hekk kif il-pjaneta Venere għaddiet bejn ix-xemx u d-dinja... xi ħaġa rari immens, u li se terga' tigri 105 snin oġra. Il-pjaneta dehret litteralment bħal tikka sewda għadeja minn quddiem ix-xemx.

 

[RIDER]

Mħallef Norveġiż jilgħab solitaire waqt li jisma l-ġuri ta' Breivik 6 ta' Ġunju, 2012 22:53 CET Storja mhux tas-soltu li ħarget mill-ġuri ta' Anders Breivik fin-Norvegja – dan wara li wieħed mill-Imħallfin inqabad jilgħab solitaire waqt il-proċess. Kelliem għall-Qorti qal illi dan mhux se jxxekkel fil-proċeduri għaliex l-istess Imħallef xorta kien attent għal dak li kien qed jingħad. Il-proċess jitratta l-massakru fis-sajf tas-sena l-oħra fejn inqatlu 69 persuna.

 

[RIDER]

Ipprojbit il-marc tal-Gay Pride fir-Russja 11 ta' Ġunju, 2012 12:41 CET Qorti Russa ikkonkludiet li l-projbizzjoni ta' 100 sena kontra l-marċ tal-gay pride li kien deċiż mill-amministrazzjoni tal-belt ta' Moska legalment validu. Dan fl-isfond li saru madwar 120 talba għall-permess sa biex isir dan il-marċ bejn l-2012 u l-2112 li kollha għandhom isiru fi pjazza Balotnaja. Nikolai Alexeev il-mexxej tal-moviment omosesswali Russu qal li ħa jagħmel rikors fil-qrati Russi u fil-qorti Ewropea għad-Drittijiet tal-Bniedem.

 

[RIDER]

Il-Kalabrija tonfoq €12,000 għal 10 bnadar

Ivan VASSALLO
22 ta' Ġunju, 2012 10:22 CET Aħbar mhux tas-soltu teħodna fl-Italja fejn il-kunsill Reġjonali tal-Kalabrija fin-nofsinhar tal-Italja nefaq €12,000 f'10 bnadar nazzjonali taljani li ħa jkunu mperpra f'Palazzo Campanella, l-kwartieri ġenerali tar-reġun. Dan qajjem il-kritika qawwija mill-gażżetti f'dan ir-reġjun.
Din id-deċiżjoni iżda ġiet approvata mill-kunsill reġjonali fil-11 ta' Mejju ta' din is-sena u ġiet ffirmata mis-segretarju tar-reġjun Nicola Lopez.

 

[RIDER]

Temperatura medja 7 gradi ogħla min-normal

Ivan VASSALLO
22 ta' Ġunju, 2012 16:41 CET Għalkemm qiegħdin fil-bidu tas-sajf, staġun sinonimu max-xemx, mal-baħar u 's-sħana, tul dawn l-aħħar jiem f'Malta kien hemm żieda mhux tas-soltu fit-temperatura.


Bryan Micallef, kelliem tal-Uffiċċju Meterjologiku fi ħdan l-Ajruport Internazzjonali ta' Malta (MIA), stqarr li ż-żieda fit-temperatura ta' dawn l-aħħar jiem hija ogħla mis-soltu.


Is-sħana hija mistennija li tonqos tul il-ġimgħa d-dieħla. Issa li beda s-sajf il-klima tippermetti aktar attivitajiet fil-pubbliku bħal festi, kunċerti u għal min ikun interessat fl-isport il-logħob tal-Euro 2012 u l-Logħob Olimpiku f'Londra.


Min-naħa l-oħra, is-sħana jista' jkollha effetti ħżiena fuq anzjani, trabi, tfal żgħar u persuni li jbatu minn kundizzjonijiet kroniċi. Il-Ministeru tas-saħħa fi stqarrija qal li huwa importanti li wieħed għandu jevita li joħroġ barra bejn il-11.00 am u l-4.00 pm.


Barra minn hekk huwa importanti li persuni joqgħodu f'postijiet friski fid-dar jew fil-post tax-xogħol, li jixorbu l-ilma regolarment u li jittiekel ikel frisk.