*kurzitajiet min aħbarijietdotcom

[RIDER]

AWSTRALJA
Infestazzjoni tal-brimb

aħbarijietdotcom
24 t' April, 2008 06:11 CET Sptar żgħir ġewwa l-Awstralja ser jiġi evakwat għal ġurnata tal-lum filwaqt li jiġi ffumigat minħabba nfestazzjoni kbira ta' brimb velenużi.
L-isptar Baralaba Multi Purpose Health Service ser jingħalaq għal pubbliku għal 24 siegħa, filwaqt li bosta uffiċjali ser jippruvaw jeqirdu dawn il-brimb billi jifgawhom.
Minn stqarrija li taw uffiċjali tas-saħħa ta' l-istat ta' Queensland, huwa magħruf illi tlieta jew erbgħa pazjenti, liema numru m'huwiex ċar, ser ikollhom jiġu trasferiti għal sptar ieħor minħabba li l-kundizzjoni tagħhom hija waħda kritika, tikkonferma l-midja nternazzjonali.
Il-brimb li ħoloq dan kollu jissejjaħ ‘Redback' u għandu gidma li tweġġa' u li terħi sustanza velenuża fid-demm ta' dak li jkun. Madanakollu antitodu għal dan il-velenu diġa jeżisti.
Skond l-istess stqarrija minn Queensland, din l-infestazzjoni ġrat minħabba li t-temp f'dan ir-reġjun saħan aktar mis-soltu u b'hekk il-bajd tal-brimb faqqas aktar malajr.

 

[RIDER]

Jitwieled qattus b'sitt saqajn

aħbarijietdotcom
25 t' April, 2008 12:48 CET Ġewwa l-Florida fl-Amerka għadha kif twieldet qattusa. Minn naħa l-oħra din il-qattusa, li għandha sitt ġimgħat, mhiwiex komuni u filfatt għandha sitt saqajn.
Skond artiklu li deher fuq Sky News, dawn iż-żewġ saqajn joħorġu mill-istonku tal-qattusa. Minn naħa l-oħra, Hex ma tużax is-saqajn żejda u dawn joqogħdu jitkaxkru mal-art. Skond l-istess artiklu huwa mifhum li Hex suppost kien ser ikollha qattus tewmi, minn naħa l-oħra ġraw xi kumplikazzjonijiet **** kienu għadhom fil-ġuf.
Il-veterinarji tal-qattusa qed jibżgħu li mhiex ħa tgħix peress li jistgħu jinqagħlu xi kumplikazzjonijiet. Minħabba dan il-fatt, is-sidien ta' Hex qed jaħsbu sabiex jiftħu fond biex jgħinuhom in-nies għall-operazzjonijiet meħtieġa.
.

 

[RIDER]

AMERKA
Tgħix mal-kadavru t'oħtha għal tliet snin

aħbarijietdotcom
28 t' April, 2008 02:37 CET Anzjana minn Detroit ittieħdet ġewwa sptar tal-kura mentali wara li nstabet illi kienet qed tgħix mal-ġisem mejjet ta' oħtha għal dawn l-aħħar tlett snin, tirrapporta l-UPI.
Il-Pulizija tal-lokal irċevew telefonata mingħand ġara ta' l-aħwa, liema ġara rrappurtat illi kienet ilha ħafna ma' tara lil waħda mill-aħwa. **** l-Pulizija marru jinvestigaw, fl-art tal-kċina sabu l-ġisem mejjet ta' waħda minn dawn iż-żewġ anzjani. Partijiet tal-kadavru kienu ġew immumifikati, mentri partijiet oħra ġew mikula minn kelb u qattus li kienu joqgħodu ġewwa din l-istess dar, irrappurtat id-Detroit Free Press il-Ħamis li għaddiet.
Investigazzjonijiet ulterjuri tal-Pulizija qajmu l-possibilita' li din is-sitwazzjoni kienet ilha għaddejja għal dawn l-aħħar tlett snin.

 

[RIDER]

GWATEMALA
Eks suldati fil-Gwatemala mħajjra jaħdmu fil-kuntrabandu

aħbarijietdotcom
29 t' April, 2008 08:38 CET L-awtoritajiet tal-Gwatemala għaddejjien b'investigazzjonijiet serji fuq serje ta' riklami li xxandru fuq stazzjon tar-radju, liema reklamar ħabbar il-bżonn ta' eks suldati ta' ċertu stoffa sabiex jittrasportaw il-kuntrabandu ġewwa l-Messiku, tikkwota Reuters.
Dan ir-reklamar seħħ fir-reġjun ta' Peten, fejn jinsab iċ-ċentru militari ta' stħarriġ għas-suldati Kaibil, liema post għandu fama kerha li jkattar dawn is-suldati qalila. Filfatt il-Kaibil huma grupp ta' suldati ittrenjati apposta għal ġlied brutali.
Skond kmandant tal-Kaibil, dawn is-suldati ta' spiss jiġu mħajjra sabiex jaħdmu bħala assassini u biex imexxu operazzjonijiet tad-droga billi jingħataw somom kbar ta' flus, li kapaċi jammontaw għal 10 darbiet aktar mill-medja tas-salarju fl-armata.
Intant dan ir-reklamar, li kien jinkludi wkoll numru sabiex dawk interessati jkunu jistgħu jċemplu, qed jiġi nvestigat bir-reqqa sabiex forsi jinstab is-sors oriġinali. Bħalissa qed jiġi maħsub li r-riklam ġie imxandar minn fuq servizzi tar-radju llegali.
Il-Kaibil, li jintgħarfu mill-beritta ħamra li tintlibes ma' l-uniformi tagħhom, jmorru lura għas-snin 70 fejn dan il-grupp kien inħoloq bħala reazzjoni għal gwerra ċivili ta' bejn l-1960 u l-1996 fil-Gwatemala. Sabiex is-suldati isiru vjolenti, il-Kaibil kienu jiġu sfurzati jieklu l-intestini tal-klieb bħala parti mill-istħarriġ tagħhom. Matul din il-gwerra ċivili, huma ġew akkużati wkoll b'bosta massakri li ħallew aktar minn 200,000 persuna mejta.

 

[RIDER]

Paraxut mibni fuq diżinn ta’ Leonardo da Vinci

aħbarijietdotcom
30 t' April, 2008 07:40 CET Raġel Svediż kien l-ewwel persuna li rnexxielu juża paraxut mibni fuq diżinn tal-famuż pittur Leonardo da Vinci li sar fl-1485, tirrapporta UPI.
Olivier Vietti-Teppa rnexxielu juża dan id-diżinn u qabeż minn għoli ta' 2,130-il pied minn fuq ħelikopter għal ġewwa bażi militari Svediża li tinsab ġewwa r-raħal ta' Payerne.
Din il-paraxut partikolari kien jikkonsisti minn erba' triangoli ekwilaterali, kull naħa twila 23-il pied, li ġew irranġati f'forma ta' piramida, flimkien ma' xibka tan-nemus maqtugħa kwadra sabiex isservi bħala bażi. Minkejja li l-materjal użat kien modern, lis-speċifikazzjonijiet tad-diżinn kienu eżatt kif ġew deskritti mill-pittur famuż tar-Rinaxximent.
Vietti-Teppa qal li dan id-diżinn ma tahx il-possibbilita' li jimmanuvra l-paraxut kif u fejn ried hu, iżda minkejja din id-diffikulta' xorta waħda rnexxielu jinżel fil-punt eżatt tad-destinazzjoni tiegħu.

 

[RIDER]

Mara taħrab mill-ħabs... tinqabad 32 sena wara!!

aħbarijietdotcom
2 ta' Mejju, 2008 11:26 CET Marie Walsh, mara Amerikana ta' 53 sena, żgur ma ħasbitx illi wara 32 sena l-passat tagħha ħa jerġa' jiġri warajha. Minn naħa l-oħra, Marie qed tinżamm f'ħabs f'Kalifornja wara li l-Pulizija skoprew li l-mara ħarbet minn ħabs 32 sena ilu.
Fl-1975 Marie, li dak iż-żmien isimha kien Susan Lefevre, kienet ġiet mogħtija sentenza ta' bejn 10 u 20 sena ħabs fuq droga. Minn naħa l-oħra, Marie kienet ħarbet wara biss sena li kienet arrestata.
Minn dakinhar, Walsh kienet ħarbet lejn Kalifornja fejn iżżewġet u kif ukoll kellha tliet itfal. Waqt intervista li tat m'ilux miċ-ċella fejn qed tinżamm qabel ma' tintbagħat Michigan ħa tkompli s-sentenza oriġinali tagħha hemmhekk, Walsh stqarriet li l-familjari tagħha ma kienux jafu b'dan il-passat tant ikkulurit tagħha.
Walsh qed tispera li l-uffiċjali li qed jieħdu ħsieb il-każ tagħha jaħfrulha s-sentenza oriġinali tagħha, peress li f'dawn l-aħħar snin ma kinietx involuta f'reati oħra.

 

[RIDER]

Seduta tal-Qorti f'parkeġġ

aħbarijietdotcom
3 ta' Mejju, 2008 10:55 CET Każ li għadu ma rax preċedenza ġewwa l-iStati Uniti, ra lil sid ta' ħanut tal-mużika jiddefendi lilu nnifsu minn akkużi ta' frodi u simulazzjoni kriminali f'parkeġġ tal-karozzi l-Ħamis li għadda ġewwa Riverhead fl-iStati Uniti, tikkonferma l-AP.
L-akkużat li jbati minn kundizzjoni magħrufa bħala 'osteoarthiritis' u li jiżen madwar 227kg, ma setax jgħaddi mil-bieb tal-Qorti minħabba l-ħxuna tiegħu. Huwa għalhekk li din is-seduta partikolari kellha tinżamm fuq trakk ipparkjat fil-parkeġġ tal-Qorti.
Dan il-każ kien ikkonfermat mil-Imħallef Robert Doyle li ppreseda dan il-każ. Huwa qal li aċċetta din il-kundizzjoni wara li l-avukat tad-difiża ppreżentalu ċertifikat mingħand it-tabib tal-klient tiegħu.
L-akkużat jinstab akkużat li biegħ gitarri allegatament oriġinali ddisinjati mil-gitarrist leġġendarju Gibson Les Paul. Dawn inbiegħu għal prezz ta' $1,500-il waħda, lil persuni li ħasbu li l-valur ta' dawn il-gitarri kienu ħafna aktar ta' valur u ġenwini milli l-gitarri klassiċi ta' l-elettriku li huma disponibbli llum. L-akkużat ġie meħlus mingħajr l-ebda kawzjoni mposta, wara li ddikjara li mhux ħati ta' l-akkużi mressqa kontrih.

 

[RIDER]

Ċajta makabra

aħbarijietdotcom
5 ta' Mejju, 2008 08:17 CET Minkejja li għadha ferm ħajja u attiva, Rose Griffin mara ta' 75 sena residenta ta' Massachusetts fl-Amerka, irċeviet telefonata m'ilhux dwar l-arranġamenti għal funeral tagħha stess, tirrapporta l-AP.
Kien il-Ġimgħa tard bil-lejl **** Griffin irrispondiet għal telefonata fejn persuna staqsiet għal binha li dak il-ħin inzerta ma kienx id-dar. Minn naħa l-oħra, Griffin tant kienet irritata li din il-persuna ċemplet f'dak il-ħin, illi x-xwejħa wżat il-caller ID sabiex tfittex in-numru ta' min fejn ċemplet din il-persuna.
Bin-numra f'idejja, Griffin ċemplet fejn ir-raġel fuq in-naħa l-oħra tal-linja nfurmaha li huwa kien direttur ta' aġenzija tal-funerali u li kien qiegħed jipprova jagħmel l-arranġamenti għal funeral ta' omm binha. Bl-awdaċita' kollha ta' xwejħa ta' 75 sena ferm irritata, Rose Griffin irrispondietu "Qed tkellem lil persuna l-mejta," tikkwota AP.
Instab illi din l-istorja kienet frott ta' ċajta makabra u krudili fejn xi ħadd ħalla messaġġ lil din il-kumpanija tal-funerali li Griffin kienet mietet. **** saret taf bl-istorja kollha Griffin ħaditha bħala ċajta u qalet li għad fadlila bosta snin x'tgħix minħabba li hija persuna kattiva u t-tajbin biss imutu żgħar.
Sal-lum għadu ma nstabx il-persuna jew persuni li wettqu din iċ-ċajta.

 

[RIDER]

Il-passi ta’ omm erojka

aħbarijietdotcom
6 ta' Mejju, 2008 03:47 CET Filwaqt li fil-Ġermanja u l-Awstrija għadhom kemm svolġew żewġ każijiet mill-aktar krudili fejn jidħlu t-tfal, il-midja Amerikana bħalissa tinsab entużjasta bil-pass erojku ta' omm żagħżugħa.
Xochitl Parra, tfajla Amerikana ta' 17-il sena kienet qed tinħasel fis-sigħat bikrin ta' filgħodu sabiex tipprepara għall-iskola, **** f'daqqa waħda qabduha kontrazzjonijiet qawwija. Ftit minuti wara jitwieled binha Alejandro.
Waħedha d-dar bit-telefon ma jaħdimx it-tfajla ddejqet tqajjem lil ġirien fil-5:30am, u għalhekk kebbet lit-tarbija sew f'kutra u mxiet sa' l-eqreb sptar bil-kurdun għadu mwaħħal.
Il-ħaddiema ta' l-isptar iddeskrivew lil din l-omm żagħżugħa bħala waħda għaqlija u kapaċi, għaliex li kieku ma żammitx il-kalma, ġabret lil binha u mxiet sa' l-isptar, kemm hi u kemm binha setgħu mietu.
Tobba nkarigati mill-kura taċ-ċkejken Alejandro qalu li huwa tifel b'saħħtu u qed jiekol sewwa.

 

[RIDER]

Fama u popolarita’ għal prezz ġust!
aħbarijietdotcom
7 ta' Mejju, 2008 02:28 CET

Qatt xtaqt tkun popolari u famuż? Ħlomt xi darba li tkun stilla taċ-ċinema ġewwa Hollywood?

Illum il-ġurnata dan kollu u aktar huwa possibli għal prezz ta' €3,223. Permezz ta' sit li qed itellgħa irkant online sabiex il-flus li jinġabru jmorru għal ‘Memorial' ta' l-eks President Amerikan Robert F. Kennedy, tikkonferma Reuters.

Għalhekk jekk tixtieq issir stilla ta' Hollywood u għal ġurnata tiġi trattat qisek re, kif ukoll tiltaqa' ma' l-attur Will Smith, għamel l-offerta' tiegħek online billi ssegwi dan is-sit http://davesdaily.com/out.php?id=38...article/oddlyEnoughNews/idUSN0146592220080502.

Disponnibli f'dan l-irkant huwa wkoll te' ma' Greenspan, ekonomista famuż fl-Amerika, u ma' martu Andrea Mitchell, korrispondenta mal-BBC. L-irkant għal din l-offerta beda minn €7.091 u ser jagħlaq il-lum.

Offerti oħra prestiġġjużi li żgur huma okkażjonijiet ta' darba jinkludu li tingħata lezzjoni fit-tennis mal-professjonist u kampjun f'dan l-isport Andre Agassi, jew billi tirbaħ ‘internship' ta' l-istudenti sabiex taħdem ma' Columbia Pictures Publicity fi New York.

Għal €49,000 tista' tixtri wkoll irwol fil-film Public Enemies, u taħdem biswit l-artist Johnny Depp.

Dan u ħafna oħrajn għal kull min huwa nteressat, huwa disponibbli minn fuq is-sit hawn imsemmija.

 

[RIDER]

Kurżitajiet INDJA
Koppja anzjana jaqfluhom ġewwa darhom

aħbarijietdotcom
8 ta' Mejju, 2008 02:54 CET Koppja anzjana minn ġewwa New Delhi nqaflu ġewwa darhom stess mill-awtoritajiet tal-pajjiż f'azzjoni li qed tittieħed mill-gvern sabiex jerġa' jġib l-ordni mill-ġdid f'din il-kapitali Indjana, jirrapporta l-bureau ta' l-AP minn ġewwa din il-belt.
Il-koppja Wadhwa marru jieħdu nasgħa wara l-ikla ta' nofsinhar, **** ġew bosta uffiċjali tal-gvern u ssiġillaw il-kanċell tal-koppja minbarra, bir-riżultat li qafluhom ġewwa. L-uffiċjali tal-gvern ma rrealizzawx li d-dar tal-Wadhwas kienet residenza privata u mhux bini kummerċjali mibni llegalment.
Kien iben Madhusudan Wadhwa li llum għandu 76 sena, illi rrealizza bis-sitwazzjoni **** dak inhar stess li ġie ssiġġilat il-kanċell ta' barra, mar iżur lil ommu u lil missieru aktar tard fil-ġurnata.
Skond stqarrija maħruġa mill-uffiċjali tal-pajjiż, għaddew erba' sigħat qabel ma din is-sitwazzjoni ġiet irratifikata, liema nċident ħoloq għagħa kbira fil-pajjiż.
Intant is-Sur Wadhwa qal li huwa u martu qatt ma rċevew l-ebda notifika mingħand il-gvern fuq x'kien ser jiġri, tikwota l-AP. Huwa għandu negozju żgħir li jbiegħ il-ħelu lil ħwienet iż-żgħar, liema negozju jopera minn bini separat minn mad-dar tiegħu.

 

[RIDER]

Ħalliel jinqabad waħdu

aħbarijietdotcom
9 ta' Mejju, 2008 10:35 CET Ħalliel fil-Ġermanja żgur illi ma tantx gawda s-serqa tiegħu, hekk kif ftit tal-ġranet wara huwa stess mar b'kumbinazzjoni għand il-vittma bl-affarijiet li kien seraq.
Skond artiklu li deher fuq is-sit Metro.co.uk, il-każ seħħ ftit tal-ġranet ilu. Kollox beda **** l-ħalliel daħal ġod-dar ta' xi ħadd u seraq kollezjoni rara ta' muniti li tiswa madwar £40,000. Minn naħa l-oħra, dan il-ħalliel ma tantx ħaddem rasu għax tliet ijiem wara li kien għamel is-serqa mar ġo bank sabiex jiddepożita dawn il-muniti.
B'sfortuna għalih wieħed mill-ħaddiema ta' l-stess bank inzerta propju sid il-muniti - l-istess wieħed minn għand min il-ħalliel kien seraq il-kollezzjoni. M'hemmx għalfejn wieħed jgħid li l-ħaddiem tal-bank mill-ewwel mar għand il-Pulizija. Dan minn naħa tagħhom, malli sabu fejn joqgħod iż-żagħżugħ sabu numru konsiderevoli ta' affarijiet misruqa d-dar tiegħu.

 

[RIDER]

Liv Tyler tissepara minn mar-raġel tagħha

aħbarijietdotcom
10 ta' Mejju, 2008 12:33 CET Il-koppja Liv Tyler u Royston Langdon għadhom kif ħabbru l-aħbar li se jisseparaw. L-attriċi qalet li hija kienet żgħira wisq **** żżewġet, filfatt hija żżewġet ħames snin ilu **** kellha 25 sena. Royston Langdon huwa mużiċist Ingliż li jagħmel parti mill-grupp 'Spacehog'.
Il-koppja ddeċidiet li se jibqgħu ħbieb kemm minħabba l-fatt li qattgħu dan iż-żmien kollu flimkien kif ukoll minħabba t-tifel tagħhom Milo, li issa għandu sena u nofs.
Liv Tyler, li hija bint il-kantant u mużiċist Steve Tyler tal-grupp 'Aerosmith', flimkien ma' Langdon, qed jitolbu lin-nies u lill-midja biex jirrispettaw il-privatezza tagħhom f'dan il-mument tant delikat għalihom u għal binhom.

 

[RIDER]

Għoxrin punt f'wiċċha minħabba pellikan

aħbarijietdotcom
11 ta' Mejju, 2008 11:40 CET Debbie Shoemaker niżlet tgħum fil-baħar ta' Florida biex tirrilassa ftit, iżda sfortunatament għaliha ma tantx kellha ċans tgawdi l-baħar. Filfatt f'daqqa waħda, waqt li Debbie kienet qiegħda tgħum qrib il-belt ta' St. Petersburg fi Florida, ħasset daqqa kbira fuq wiċċha u rat ħafna demm. Ftit tas-sekondi wara hija rrealizzat li kienet għadha kif qalet daqqa ta' pellikan!
Filwaqt li l-mara, li għandha 50 sena, baqgħet imħawwda u muġugħa b'din id-daqqa, propju minħabba li kellha bżonn 20 punt f'wiċċha, il-povru pellikan miet mad-daqqa.
Il-pulizija tal-belt qed jassumu li l-pellikan kien nieżel fil-baħar biex jaqbad xi ħuta biex jitrejjaq. Huwa kompla biex jgħid li huwa qatt qabel ma sema b'każ bħal dan, fejn pellikan baqa' dieħel f'persuna.

 

[RIDER]

Raġel għami jagħmel 12-il strike konsekuttiv tal-bowling

aħbarijietdotcom
12 ta' Mejju, 2008 12:15 CET Raġel għami ta' 78 sena minn Iowa fl-Amerka rnexxielu jagħmel 12-il strike konsekuttiv tal-bowling, minkejja d-diżabilita' tiegħu, tirrapporta l-AP.
Dale Davis kiseb 300 punt is-Sibt li għadda waqt li kien qiegħed jipparteċipa f'league ġewwa ħanut żgħir tal-bowling. Għall-ewwel kienu biss sħabu l-parteċipanti li kienu qed jinkoraġġuh ikompli b'dak ir-ritmu, iżda ma' l-10 strike kull min kien hemm fil-ħanut mar jarah jikseb dan ir-rekord ġdid. Normalment Davis jirnexxielu jilħaq 180 punt.
Davis ibgħati minn kundizzjoni magħrufa bħala 'muscular degeneration', marda kronika ta' l-għajnejn u ilu jbati minna għal dawn l-aħħar 10 snin. Huwa kompletament għami minn għajnu x-xellugija u għandu vista limitata ħafna minn dik leminija.
Magħruf bħala 'The Hammer' minħabba li fi ċkunitu missieru kien ħaddied, David jilmaħ biss il-ballun tal-bowling x'ħin ikun qed jerfgħu, iżda jinduna jekk ikunx tefgħu sew jew le mill-ħoss li jirriżulta wara li jitfa' l-ballun.
Illum il-ġurnata Davis joqgħod ma' oħtu u jattendi dan il-ħanut tal-bowling darbtejn fil-ġimgħa. Sħabu jgħinuh jaqbad il-ballun u jgħidulu liema ballun jkun imissu jitfa'.

 

[RIDER]

Titħallas ċitazzjoni wara 31 sena

aħbarijietdotcom
13 ta' Mejju, 2008 02:12 CET Il-Pulizija mill-villaġġ ta' Upper Peninsula ġewwa Michigan baqgħu skantati wara li l-ġimgħa l-oħra rċevew bil-posta l-ħlas ta' ċitazzjoni li kienet ingħatat nhar l-1 ta' Settembru 1976, tirrapporta l-AP.
Din ċ-ċitazzjoni ta' $1 kienet akkumpanjata minn nota li tgħid li din il-mara li laqtieta lura fl-1976 kellha dejjem l-intenzjoni sabiex tħallasha, iżda kull darba li tilmaħa tinsa wara ftit. Ma' din in-nota kien hemm mehmuża $20 minħabba li wara li din iċ-ċitazzjoni ma tħallsitx, b'kollox żdiedet b'$5 wara 72 siegħa. Oriġinarjament din iċ-ċitazzjoni kienet intħarġet minħabba vjolazzjoni tal-‘parking meter'.
Fl-aħħar tan-nota l-mara titlob skuża lil pulizija ta' dan id-dewmien kollu, u sabiex ma joqgħodux iffitxuha minħabba li llum il-ġurnata hija saret mara rispettabli.

 

[RIDER]

Jinsew lil binhom l-ajruport!

aħbarijietdotcom
14 ta' Mejju, 2008 10:11 CET Familja Filippina li kienet ser temigra lejn il-Kanada għexet mill-ġdid l-episodju tal-film popolari 'Home Alone' **** nsew warajhom fl-ajruport ta' Vancouver tifel ta' sena u nofs, tirrapporta UPI.
Din il-familja Filippina kienet sejra lejn Winnipeg, Manitoba f'liema vjaġġ il-ġenituri tat-tifel u n-nanniet ma poġġewx fejn xulxin fuq l-ajruplan. Kien għalhekk li ż-żewġ koppji ħasbu li t-tifel kien mal-koppja l-oħra, iżda filfatt dawn ħallew liċ-ċkejken warajhom. Dan ikkonfermatu Angela Mah, kelliema għal Air Canada.
Intant it-tifel instab minn gwardja tas-sigurta' fl-ajruport ta' Vancouver fejn sabu aġent li kien kapaċi jitkellem l-istess lingwa tat-tifel u jieħu ħsiebu. L-awtoritajiet ta' l-ajruport ħadu biċċa xogħol sabiex sabu lil familjari tiegħu minħabba li t-tifel ma kellux biljett ta' l-ajru billi kien ser joqgħod bil-qiegħda f'ħoġor xi ħadd mill-familjari tiegħu. Barra minn hekk ħadd ma rrapporta tifel nieqes.
Iżda wara li l-listi tal-passiġġieri ġew irriveduti, ġiet identifikata t-titjira li kienu jinstabu fuqa l-familjari tat-tifel. **** dawn waslu Winnipeg, Air Canada offriet titjiera lura lil missier it-tifel sabiex imur lura lejn Vancouver u jiġbor lil ibnu.

 

[RIDER]

KROAZJA
Wara 42 sena mara tinstab mejta... fl-appartament tagħha stess

aħbarijietdotcom
16 ta' Mejju, 2008 10:55 CET Każ stramb għadu kif ġie rrapurtat ġewwa l-Kroazja, fejn mara li kienet ilha rrapurtata nieqsa għal dawn l-aħħar 42 sena nstabet mejta fl-appartament tagħha stess.
Skond l-investigazzjonijiet li l-Pulizija qed jagħmlu, apparentament Hedviga Golik kienet qed tara xi programm fuq it-televiżjoni **** għal xi raġuni mietet. Skond ir-rapport dan ġara bejn wieħed u ieħor fl-1966. Dan minħabba l-fatt li l-ġirien tagħha rawha l-aħħar darba f'din is-sena.
L-istess ġirien qalu li darba fost l-oħrajn indunaw li l-mara qisha sparixxiet. Filfatt huma ħasbu li kienet marret tgħix fil-belt kapitali ta' Zagreb.
Minn naħa l-oħra l-istorja kellha tkun oħra, hekk kif ftit tal-ġranet ilu membri tal-Pulizija flimkien ma' xi nies daħlu ġo l-appartament biex jaraw illum il-ġurnata minn hu s-sid. Minn naħa l-oħra malli daħlu sabu xena tal-biża', hekk kif raw il-ġisem immumifikat tal-mara fuq pultruna quddiem it-televiżjoni.
Kelliem għall-Pulizija wera l-iskantament tiegħu kif 42 sena ilu **** l-mara ġiet irrapurtata nieqsa, ħadd ma fittex id-dar tagħha biex jaraw kinietx hemm.

 

[RIDER]

Jattendi l-Universita' ta' 10 snin

aħbarijietdotcom
17 ta' Mejju, 2008 11:01 CET Moshe Kai Cavalin, tifel ta' 10 snin minn Los Angeles ta' dixxendenza Ċiniża, bħalissa jinsab għaddej bl-istudji tiegħu għall-eżamijiet ta' tmiem is-sena bħal miljuni oħra ta' studenti madwar id-dinja. Iżda s-suġġetti li qed jistudja Moshe huma xi ftit differenti minn dawk tat-tfal ta' l-istess eta' tiegħu. Dawn jinkludu l-matematika avvanzata, il-mużika u bosta lingwi, tirrapporta l-AP.
Jekk sa sena oħra ċ-ċkejken Moshe jirnexxielu jkompli jikseb marki tajbin, huwa qed jaspira biex jiggradwa minn dan il-kors ta' sentejn li għaddej bih bħalissa ġewwa l-Kulleġġ li jinsab fil-Lvant ta' Los Angeles u jibda kors fl-astrofiżika twil erba' snin.
Hekk hu! Moshe fl-eta' bikrija ta' 10 snin huwa diġa' student universitarju u wieħed mill-interessi maġġuri tiegħu huwa s-suġġett tal-'wormholes', ipoteżi xjentifika li tgħid illi jekk verament jeżisti dan il-fenomenu fl-ispazju, ikun possibli li jsir ivjaġġar minn żmien għal-ieħor.
L-ambizzjoni ta' Moshe huwa li jistudja fuq il-'wormholes' u jipprova jikseb riżultati li jikkonfermaw din l-ipoteżi. Iżda barra l-universita', Moshe jitgħallem ukoll il-pjanu, il-mandarin u l-arti marzjali, sport li huwa ħafna għal qalbu.
Moshe Cavalin irnexxielu jidħol f'dan il-kulleġġ ftit aktar minn sena ilu fejn minn dak inhar 'l hawn irnexxielu jiskeb medja ta' A f'suġġetti bħal l-alġebra, l-istorja, l-astronomija u l-edukazzjoni fiżika.
**** l-AP intervistaw lil ġenituri ta' Calvin dawn qalu li huma qatt ma ppjanaw sabiex jibgħatu lil binhom l-universita' ta' tmien snin. **** Moshe kellu sitt snin huma ppruvaw idaħħluh fi skola primarja, iżda dawn m'aċċettawhx minħabba li ċ-ċkejken kien jaf aktar mill-għalliema tiegħu u kien jidher imdejjaq waqt il-lezzjonijiet.
Kien għalhekk li għas-sentejn segwenti l-ġenituri tiegħu għallmuh mid-dar, iżda ta' tmien snin indunaw li l-aħjar post edukattiv għalih kienet l-universita'. L-uffiċjali tal-kulleġġ li bħalissa qed jattendi ċ-ċkejken iddeċiedu li jħalluh jidħol biss jekk jattendi żewġ klassijiet, li kienu l-matematika u l-edukazzjoni fiżika. Iżda wara li ġab A+ fiż-żewġ suġġetti, dawn ħallewh jespandi l-għażla tas-suġġetti tiegħu.

 

[RIDER]

AMERKA
Tippretendi li hi marida bil-kanċer

aħbarijietdotcom
19 ta' Mejju, 2008 02:49 CET Qatt smajt lil xi ħadd jgħid 'U iva, issa għada nċempel sick.' Minn naħa l-oħra, ħaddiema fl-Amerika mhux biss għamlet ta' bir-ruħha li hi marida, iżda ppretendiet li kellha tumur f'rasha sabiex tevita milli tmur għax-xogħol kuljum.
Sandra Dee Martinez ta' 40 sena u li kienet impjegata fis-servizzi soċjali ta' l-istat sa ftit xhur ilu, tinsab akkużata b'serq ta' l-ewwel grad, wara li ħabbret illi kellha tumur f'rasha mhux kontrollabli sabiex tirċievi $21,000 f'paid leave, ħafna ħin ta' mistrieħ, u numru kbir ta' sick days mogħtija ġenerożament mill-kollegi tagħha.
Iżda t-Tlieta li għadda l-prosekuturi f'dan il-każ ħabbru li din l-istorja tat-tumur ma kinietx ħlief ħrafa sabiex Martinez toqgħod id-dar minflok tmur għax-xogħol u ddaħħal il-flus xorta waħda.
Martinez inkixfet mill-ġara tagħha stess, **** hi marret għandha sabiex tuża l-kompjuter tagħha. Il-ġara sabet ittra allegatament miktuba minn ta' tabib, u marret tagħtiha lil awtoritajiet.
Minn investigazzjoni li saret instab illi din il-mara ffalsifikat bosta ittri mediċi u dokumenti fost l-oħrajn maħruġa apparentament miċ-Ċentru Mediku ta' l-Universita' ta' Washington, fejn kien hemm miktub illi hija marida b'tumur f'rasha, għad fadlila biss ftit xhur ta' ħajja, li għandha bżonn ħafna ħin tal-mistrieħ u li **** hi tħossha tajjeb tkun tista' tmur għax-xogħol.
Dan il-każ ilhu li beda minn ħames xhur wara li Martinez ġiet impjegata mill-istat Amerikan bħala social worker f'Ottubru ta' l-2006.