*kurzitajiet min aħbarijietdotcom

Min jixtieq jiżżewweġ fl-ispazju?
aħbarijietdotcom
2 ta' Lulju, 2008 15:24 CET

Kumpanija Ġappuniża għadha kif ħabbret li ħa tibda tagħti s-servizz li żżewweġ koppji interessati fl-ispazju. Dan għal prezz ta' $2.3 miljun (madwar €1.5 miljun).

Iċ-ċerimonja l-propja ssir ftit qabel ma' il-koppja jitilqu fl-ispazju. Ir-raġuni mogħtija hija sabiex il-koppja tkun tista' tħares barra mit-tieqa waqt li ċ-ċerimonja tkun għaddejja. Wara huma flimkien mal-ħaddiema tan-naviċella spazjali u tliet mistednin oħra jkollhom l-opportunita' jerħulha għall-ispazju.

Taro Katsura, li huwa l-kelliem tal-kumpanija ‘First Advantage', qal li qed jistennew li l-maġġoranza tal-klijenti tagħhom ħa jkunu miċ-Ċina. Huwa qal ukoll li għalissa mhux ser jofrru l-istess servizz fl-Amerka.

INGILTERRA
Pulizija jsolvu każ stramb ħafna
aħbarijietdotom
4 ta' Lulju, 2008 12:59 CET

Pulizija minn South Wales fl-Ingilterra solvew każ kemmxejn stramb, fejn raġel ċempilhom biex jirraporta li kemm xi ħaġa stramba fis-smewwiet u fl-aħħar irriżulta li kien il-qamar.

Matul din il-ġimgħa il-Pulizija ta' South Wales qed jagħmlu kampanja qawwija biex il-pubbliku ma joqgħodx jirraporta avvenimenti folox jew inkella oħrajn li m'hemmx bżonn l-għajnuna tal-Pulizija. Propju bħala eżempju l-Korp uża dan il-każ stramb.

Il-każ ġara f'Mejju li għadda hekk kif il-Pulizija li kienu xogħol fuq il-linja t'emerġenza rċevew rapport bit-telefon. Kien hawn li raġel b'serjeta liema bħala rrapporta li għal dik l-aħħar nofs siegħa kien hemm oġġett stramb fuq muntanja ftit il-bogħod minn fejn kien joqgħod.

Malli ir-rapport ġie rreġistrat il-Pulizija mal-ewwel marru sabiex jiċċekjaw x'kien qed jiġri, iżda malli waslu indunaw li dak l-oġġett stramb ma kien xejn ħlief il-qamar.

Raġel isib mod tajjeb ta' kif ma jħallasx il-kontijiet
aħbarijietdotcom
5 ta' Lulju, 2008 09:54 CET

Raġel ta' 52 sena minn Milwaukee fl-Amerka sab metodu tajjeb sabiex ma jħallasx il-kontijiet. Filfatt kull darba li kien imur ġo restorant jew juża taxi kien jagħmel ta' nir-ruħu li qabdu attakk tal-qalb. Minn naħa l-oħra, il-fortuna tiegħu telqet hekk kif inqabad minn tabib stess!

Ir-raġel inqabad hekk kif reġa' għamel l-istess xenata ġo restorant u l-membri tat-taqsima tat-tifi tan-nar kienu pront ħaduh l-isptar. Minn naħa l-oħra, inzerta kien hemm tabib li għarfu u nduna li dan l-istess persuna mhux l-ewwel darba li daħal l-isptar matul dik il-ġimgħa.

Jekk jinstab ħati ta' frodi, ir-raġel jista' jeħel sa 9 xhur ħabs u kif ukoll multa ta' $10,000.

Statwa ta' Hitler tispiċċa mingħajr ras

aħbarijietdotcom
6 ta' Lulju, 2008 10:26 CET Statwa ta' Hitler li għadha kif ġiet inawgurata fil-Mużew ta' Madame Tussauds f'Berlin spiċċat f'kundizzjoni kerha, hekk kif raġel qaċċat ras l-istatwa.
Il-każ ftit ġranet ilu waqt l-inawgurazzjoni ta' dan il-mużew. Ftit wara li l-bibien tal-mużew fetħu, ir-raġel irnexxielu jaħrab lin-nies tas-sigurta' u għamel dan l-att fuq l-istatwa ta' Adolf Hitler. Huwa qal li dan l-att għamlu bħala sinjal ta' protesta talli tellaw din l-esibizzjoni.
Ħafna kritiċi qalu li d-deċiżjoni li d-diriġenti ta' Madame Tussaud ħadu li jesebixxu din l-istatwa kienet waħda kontroversjali mmens. Dan minħabba l-fatt li l-figura ta' Hitler tista' toffendi xi nies. Filfatt bħala riżultat kien hemm bosta organizzazzjonijiet illi kkundannaw din l-istatwa. Minn naħa l-oħra, kull minn imur jara din l-istatwa kien qed jiġi mitlub sabiex ma jieħux ritratti magħha bħala sinjal ta' rispett lil dawk kollha li mietu minħabba Hitler.
Sabiex titlesta din l-istatwa 25 ħaddiem kellhom jaħdmu għal madwar erba xhur sabiex jiksbu ir-riżultat li ġabu. Biex titlesta l-istatwa nniffisha kellhom jiġu intużati iktar minn 2,000 ritratt u materjal arkivjali sabiex ir-riżultat finali joqrob lejn ir-realta'. Għalissa l-istatwa ġiet imneħħija mill-mużew sabiex id-diriġenti jiftehmu fuq il-futur ta' Hitler fiq il-mużew tagħhom.

Anzjana maqbuda taħt karozza għal jumejn
aħbarijietdotcom
7 ta' Lulju, 2008 14:16 CET

Betty Borowski, mara ta' 91 sena, spiċċat tgħaddi minn avventura kerha hekk kif għaddiet jumejn maqbuda taħt il-karozza tagħha stess.

L-inċident seħħ f'Milwaukee fl-Amerka, hekk kif il-mara niżlet taħt il-karozza biex tipprova tfittex xi ċwievet. Minn naħa l-oħra, b'xi mod l-anzjana weħlet taħt il-karozza u ma setgħatx toħroġ. L-isfortuna tagħha baqgħet tikber hekk kif kien il-pustier li jumejn wara induna bil-mara, hekk kif innota li l-posta ta' l-aħħar jiem kienu kollha barra.

Malli sab lill-anzjana huwa mal-ewwel ċempel lill-Pulizija sabiex jagħtuha l-ewwel għajnuna. Mid-dehra Borowski kienet qegħda f'kundizzjoni serja u saħansitra hemm iċ-ċans li waqt li kieent maqbduda soffriet minn xi attakk żgħir tal-qalb.



Anzjana maqbuda taħt karozza għal jumejn

Katidral jitmexxa sabiex tinbena triq
aħbarijietdotcom
8 ta' Lulju, 2008 15:47 CET

Katidral fil-belt Ċiniża ta' Fuzhou tqiegħdet fuq numru ta'roti biex ikun jista' jitressaq minn fejn qiegħed. Dan sabiex ikun hemm wisa' biżżejjed biex tinbena triq ġdida.

Dan il-katidral, li li nbena fl-1933 u li huwa magħruf bħala il-Katidrall ta' St. Dominic, ħa jiġi mdawwar minn kif qiegħed u saħansitra ħa jersaq madwar 76 metru minn fejn qiegħed illum. Dan sabiex tinbena triq prinċipali ġdida.

Il-katidral ġie mgħolli minn ma' l-art u taħtu inbnew qishom toroq temporanji tal-konkrit biex ikunu jistgħu jmexxuh. Sabiex il-ħaddiema jkunu jistgħu jagħmlu din l-operazzjoni delikata, madwar 400 rota ġew imwaħħla mal-qiegħ tal-katidral.

Serqa bil-ħsieb

Serqa bil-ħsieb

aħbarijietdotom
10 ta' Lulju, 2008 15:19 CET Grupp ta' ħallelin fir-Rumanija kellhom idea brillanti sabiex tirnexxielhom is-serqa. Filfatt dawn il-ħallelin liebsu l-uniformi tal-membri tat-taqsima tat-tifi tan-nar u għamlu ta' bir-ruħhom li marru fuq emerġenza.
Il-każ seħħ ftit il-barra minn Galati **** dan il-grupp ta' ħallelin maruu għand kumpanija tal-ħadid u saqsew fejn kien in-nar, peress li ftit qabel kienet daħlet telefonta tirraporta dan il-fatt. Waqt li dan il-grupp kien qed jiċċekja, sħab il-ħallelin kienu qed jisirqu l-istess kumpanija.
Filfatt b'kollox huma rnexxielhom jisirqu madwar ammont ta' ħadid li jammonta għal £15,000. Minn naħa l-oħra l-fortuna tagħhom ma tantx damet minħabba rapport li kien daħal lill-Pulizija. Filfatt ftit qabel il-membri tat-taqsima tat-tifi tan-nar il-veri kienu rrapurtaw li kienet insterqet fire engine ftit qabel. Il-ħallelin inqabdu ftit wara.

Tifel ma jindunax li qed jilgħab bomba

aħbarijietdotcom
11 ta' Lulju, 2008 09:00 CET Tifel ta' 10 snin mill-Ġermanja kien iffurtunat mhux ħażin, hekk kif sab bomba mit-Tieni Gwerra Dinjija u qabad jilgħab biha mingħajr ma' din splodiet.
Dan l-inċident seħħ fil-belt ta' Kassel hekk kif Freddie Voeller ta' 10 snin kien qed jilgħab f'għalqa. Wara xi ftit tal-ħin huwa sab din il-bomba u qabad jilgħab. B'fortuna liema bħala l-bomba ma splodiets u t-tifel saħansitra ħadha d-dar peress li ħaseb li kienet xi ġugarell.
Malli rah missieru, huwa mal-ewwel intebaħ x'setgħet kienet tkun. B'hekk huwa ħa l-bomba minn idejn it-tifel u ċempel mal-ewwel lill-Pulizija. Membri mill-armata speċjalizzati fil-bombi mal-ewwel marru fuq il-post sabiex ineħħu kull periklu.

Karozza misruqa misjuba wara 14-il sena

aħbarijietdotom
12 ta' Lulju, 2008 12:17 CET Koppja mill-Bożnja Kerzegovina kienu sorpriżi mhux ħażin, hekk kif il-Pulizija tal-belt irritornawlhom l-karozza tagħhom li kienet ġiet misruqa 14-il sena ilu.

Eżatt 14-il sena Milos u Spomenka Jokic, li llum joqogħu fil-belt ta' Setic, kienu qegħdin fuq marru vaganza f'Belgrad. Minn naħa l-oħra, il-karozza tagħhom tat-tip Golf Mark II kienet insterqet wara li ħallewa pparkjata fit-triq. Minn naħa l-oħra m'ilux il-koppja ħadu sorpriża sabiħa hekk il-Pulizija marru għandhom u qalulhom li kienu għadhom kif sabu l-kaorzza tagħhom.

Għall-ewwel Milos u Spomenka ħasbu li kienet xi ċajta, iżda malli raw li l-karozza quddiemhom u li kienet għadha f'kundizzjoni tajba kellhom jemmnu l-verita'.

Mid-dehra l-Pulizija rnexxilhom isibuha waqt sensiela ta' road blocks, fejn fihom kumbinazzjni waqfu l-persuna li kienet qed issuq l-karozza u wara li ċċekjaw xi affarijiet indunaw li kienet misruqa.

Mara timposta l-qattus tagħha bi żball

aħbarijietdotcom
13 ta' Lulju, 2008 11:35 CET Gitti Rauch mill-Ġermanja għamlet żball enormi hekk kif bi żball impustat l-qattus tagħha f'kaxxa madwar 450mil il-bogħod mid-dar tagħha.
Il-każ seħħ preċiżament f'Rottach-Egern **** Rauch kienet qed tipprepara pakkett sabiex tibgħatu bil-posta. Mid-dehra waqt li hi kienet qed tagħmel xi faċendi l-qattus tagħha, Janosch, daħal fil-kaxxa bi żball. **** l-mara marret biex tagħlaq l-kaxxa ma ndunatx li l-qattus kien għadu hemm.
Hekk kif il-pakkett wasal fid-destinazzjoni tiegħu, jumejn wara, il-qattus ħareġ mil-kaxxa qisu qatt ma ġara xejn. Rauch qalet li hi ma kinietx inkwetata peress li mhux l-ewwel darba li l-qattus jitlaq għal xi ftit ġranet. Minn naħa l-oħra, il-verita' kient kemmxejn differenti din id-darba!

Raġel ibiegħ l-isem tat-tarbija tiegħu għall-ammont ta' petrol

aħbarijietdotcom
14 ta' Lulju, 2008 15:11 CET David Partin, raġel ta' 26 sena minn Florida fl-Amerka, għadu kif għamel kemmxejn stramb wara li biegħ l-isem tat-tifel tiegħu, li għad irid jitwieled, għal ammont ta' petrol.
Din l-istorja bdiet wara li Partin semgħa b'kompetizzjoni li kienet għaddejja fuq stazzjon tar-radju tal-lokal. Filfatt il-preżentaturi ta' dna il-programm kienu qed joffru $100 f'petrol lil dik il-persuna li toffri l-iktar xi ħaġa interessanti bi tpartit ma' dan ir-rigal.
Hekk kif semgħa din l-offerta, Partin ftiehem ma' l-għarusa tiegħu u staqsieha jekk setgħax jipproponi l-idea tiegħu. L-għarusa tiegħu, Samantha, qalet li minkejja l-fatt li hi ma tantx ħadet gost huma kienu ftehmu li jekk tkun tifla ssemmieha hi, iżda jekk ikun tifel isemmieh hu. B'hekk ma setgħat tgħidlu xejn.
Il-preżentaturi tal-programm tant kienu impressjonati b'din l-offerta li ovjament aċċettaw. Issa **** t-tarbija titwieled f'Diċembru li ġej l-isem tagħha ħa jkun dak ta' Dixon Willoughby Partin, imsemmija għall-preżentaturi tal-programm li huma Richard Dixon u J. Willoughby.

Ġurnata ħażina għal xjenzat Skoċċiż

aħbarijietdotcom
15 ta' Lulju, 2008 15:03 CET Xjenzat Skoċċiż għadu kif marlu żmerċ esperiment, hekk kif **** pprova jaħraq l-ħaxix ħażin tal-ġnien tiegħu aċċidentalment ħaraq il-ġnien kollu tal-ġirien li joqgħodu ħdejh.
Robert Gailey ta' 79 sena kien qed juża blow torch żgħir biex jeħles mill-ħaxix ħażin f'qasir żmien. Minn naħa l-oħra, f'ħin minnhom bdew joħorġu lis-sparks mill-apparat u f'qasir żmien il-ġnien tal-ġirien tiegħu beda jaqbad.
Gailey qal li minkejja l-eta' tiegħu huwa qabad jiġri biex jitfi n-nar. Minn naħa l-oħra, dan tant qabad malajr li kien kollu għalxejn. Membri mit-taqsima tat-tifi tan-nar tal-post mill-ewwel ssejħu sabiex jagħtu l-ewwel għajnuna. Il-kelliem tal-brigada qal li wieħed għandu joqgħod **** jiġi ntużat dan l-apparat.