*vip gossips min aħbarijietdotcom

[RIDER]

Uma Thurman tħabbar l-għerusija tagħha

aħbarijietdotcom
28 ta' Ġunju, 2008 09:30 CET L-attriċi Uma Thurman għadha kif ħabbret l-għerusija tagħha mal-finanzjier Arġad Bussson. Minkejja dan kollu l-attriċi ma qalietx jekk dawn humiex ser jiżżewwġu fil-qarib żmien jew le.
Jekk iż-żwieġ tagħhom iseħħ, dan ikun it-tielet wieħed għal Thurman, filwaqt li jkun it-tieni wieħed għal Busson. Fil-passat Thurman kienet miżżewwġa kemm ma' Ethan Hawke, li miegħu kellha żewġt'itfal, u kif ukoll ma' Gary Oldman.
Uma Thurman tibqa' popolari għal rwoli films bħal 'Kill Bill'.

 

[RIDER]

COLDPLAY
Il-lat uman tal-mużika

aħbarijietdotcom
29 ta' Ġunju, 2008 10:49 CET Minkejja l-istejjer kollha li nisimgħu fuq ċelebritajiet li jġiebu ruħhom b'mod stramb jew mhux xieraq, ikun sabiħ **** nisimgħu b'artist li jagħmel att żgħir iżda b'sinjifikat.
Filfatt m'ilux il-kantant tal-grupp Ingliż Coldplay wera x'qalb tad-deheb għandu hekk kif kien qed jipprepara għal programm televiżiv Amerikan.
Hu flimkien ma' sħabu kienu qed jippruvaw xi kanzunetti tagħhom għal programm, hekk kif il-kantant ra tifel fuq quddiem b'idu miksura. Minnufih Martin waqaf ikanta, mar tella' it-tifel fuq il-palk u beda isaqsieh kif kiser idejh.
Bħalissa l-grupp qegħdin jagħmlu sensiela ta' promozzjonijiet għall-album il-ġdid tagħhom 'Viva La Vida'.

 

[RIDER]

Pete Doherty jiddedika diska lill-ex tiegħu Kate Moss

aħbarijietdotcom
30 ta' Ġunju, 2008 14:30 CET Mid-dehra l-kantant Pete Doherty għadu ma nesiex l-ex tfajla tiegħu l-mudella Kate Moss. Dan wara li Doherty għadu kif tefa' vidjo tiegħu fuq is-sit YouTube fejn fih jidher il-kantant idoqq diska fuq il-kitara tiegħu bl-isem ta' ‘Bohemian Love'.
Waqt li jkun qed ikanta din id-diska, fil-vidjo jidhru ritratti tiegħu u ma' Moss ma' xulxin, u fl-aħħar jidher ritratt partikolari li jidher it-tnejn ikunu qegħdin jitbewsu. Ir-relazzjoni ta' bejniethom spiċċat bejn wieħed u ieħor sena ilu hekk kif bdew jidhru rapporti li Doherty kien qed jieħu d-droga.
Illum il-ġurnata Kate Moss qed toħroġ ma' mużiċist ieħor - Jamie Hince mill-grupp The Kills.

 

[RIDER]

Jiżdiedu l-għajdut dwar id-divorzju imminenti ta' Madonna

aħbarijietdotcom
1 ta' Lulju, 2008 13:58 CET Matul din l-aħħar ġimgħa l-għajdut fuq id-divorzju imminenti tal-kantanta Madonna komplew jikbru. Dan hekk kif hi u r-raġel tagħha, id-direttur Guy Ritchie ma kienux qegħdin joqogħdu fl-istess dar. Dan apparti l-fatt li għal dawn l-aħħar jiem it-tnejn li huma ma kienux qed jilbsu ċ-ċurkett tat-tieġ tagħhom.
Skond artiklu li deher fuq ir-rivista OK! Ritchie din il-ġimgħa mar jiltaqa' ma' Madonna fl-appartament li għandha fi New York sabiex jitkellmu fuq ir-sitwazzjoni tagħhom. Mid-derha skond numru ta' rapporti, it-tnjen li huam diġa bdew ifittxu xi avukati li jistgħu jgħinuhom fil-każ tagħhom.
Qalb dawn l-għajdut kollha, il-kelliem ta' Madonna ċaħad kollox u sostna li t-tnejn li huma għadhom miżżewwġa u m'hemm l-ebda ħjiel li ħa jtemmu din ir-relazzjoni.

 

[RIDER]

Angelina Jolie dalwaqt omm
aħbarijietdotcom
2 ta' Lulju, 2008 15:08 CET

L-attriċi popolari Angelina Jolie m'ilux iddaħħlet l-isptar sabiex twelled. Dan skond numru ta' rapporti li qed qed jidhru fuq l-internet. Skond stqarrija mill-kelliema tagħha Nadie Bauer, l-attriċi iddaħlet iktar kmieni matul il-ġurnata fl-isptar Lenval, li jinsab f'Nizza.

Bauer kompliet tgħid li l-wasla ta' Jolie kienet ilha ppjanata u għalissa qed tinżamm taħt osservazzjoni biex ma twellidx qabel iż-żmien. Hja kompliet tgħid li huwa ppjanat li l-attriċi toqgħod l-isptar sakemm twelled.

Bit-twelid ta' dawn it-trabi, hekk kif Jolie qed tistenni twins, b'kollox l-attriċi ħa tkun omm ta' 6'itfal - 3 addottati u 3 oħra bijoloġiċ

 

[RIDER]

Amy Winehouse taħt arrest id-dar tagħha stess?
aħbarijietdotcom
3 ta' Lulju, 2008 15:38 CET

Skond rapporti li qed jidhru fuq il-midja internazzjonali l-kantanta Amy Winehouse qegħda taħt arrest id-dar tagħha stess. Dan wara li l-eżekuttiv tad-dar tad-diski li taħdem magħhom Winehouse iddeċiedew li l-kantanta ma tistax toqgħod waħidha.

Sors qrib tas-sitwazzjoni qal li din id-deċiżjoni ttieħdet wara li d-diriġenti qablu li Winehouse bħalissa mhiex f'kundizzjoni li tieħu ħsieb lilha nniffisha. B'hekk iddeċiedew li jitfgħu nies tas-sigurta' mal-bieb tad-dar tagħha biex żgur ikunu ċerti li nies suspettużi ma jinfluwenzawx il-kantanta.

M'ilux Winehouse kienet reġgħet daħlet l-isptar għal xi problemi f'saħħitha, iżda minkejja l-fatt li għal xi ftit tal-ġranet kien qed jidher li sejra għall-aħjar, l-affarijiet reġgħu qabdu t-triq tan-niżla.​

 

[RIDER]

L-attur Jason Biggs jipprepara sabiex jiżżewweġ
aħbarijietdotcom
4 ta' Lulju, 2008 12:47 CET

L-attur Amerikan Jason Biggs, li huwa l-iktar magħruf għal parti tiegħu fil-film ‘American Pie', qed jipprepara sabiex mal-mara tiegħu, l-attriċi Jenny Mollen, jerġgħu jiżżewġu.

Biggs u Mollen ilhom miżżewġin minn April li għadda. Minn naħa l-oħra, waqt din iċ-ċerimonja huma ma stiednu lil ħadd. Issa kif stqar Biggs waqt intervista li għamel mar-rivista ‘In Touch' qed iħejju ċerimonja oħra għall-familjari u l-ħbieb tagħhom.

Waqt l-istess intervista, Mollen ammettiet li Biggs verament jixtieq jkollu t-tfal. Minn naħa l-oħra, hija stqarret li minkejja l-fatt li għadu ż-żmien, żgur li mhiex ser teskludi l-possibbilta' li jkollhom it-tfal.

 

[RIDER]

Brad Pitt jitlob l-għajnuna lil Julia Roberts
aħbarijietdotcom
5 ta' Lulju, 2008 09:46 CET

L-attur popolari Brad Pitt għadu kif talab lill-attriċi Julia Roberts sabiex ittieh ftit pariri ta' kif trabbi twins, ftit ġranet il-bogħod milli jsir missier b'twins stess Dan minħabba l-fatt li Roberts stess hija omm ta' twins.

Mid-dehra Pitt beda jibża' li **** jkollok twins jista' ikun hemm xi ħaġa differenti, minn naħa l-oħra Roberts assiguratu li l-unika ħaġa differenti huma l-problemi u x-xogħol għax ħa jkunu doppji.

Iktar kmieni matul din il-ġimgħa Angelina Jolie, il-partner ta' Pitt, daħlet fi sptar fi Franza fejn ħa toqgħod għal kwiet sakemm twelled.

 

[RIDER]

Nicole Kidman dalwaqt omm
aħbarijietdotcom
6 ta' Lulju, 2008 11:20 CET

L-attriċi Awstraljana Nicole Kidman qegħda tistenna biex minn jum għall-ieħor biex issir omm. Filfatt skond rapporti li dehru fil-midja iternazzjonali, Kidman qegħda tipprepara flimkien ma-raġel tagħha l-kantant Keith Urban għall-wasla ta' l-ewwel wild tagħhom.

Mid-dehra l-attriċi ħa twelled fi sptar viċin tad-dar tagħha fl-Awstralja u l-ġenituri tagħha diġa waslu sabiex jgħinu lilha u lir-raġel tagħha f'dan il-mument hekk sabiħ.

Minkejj l-fatt li dan ħa jkun l-ewwel wild bijoloġiku għal Kidman u Urban, l-attriċi diġa għandha żewġ'it-tfal li kienet addottat **** kienet għadha miżżewwġa ma' l-attur Tom Cruise.





Nicole Kidman dalwaqt omm

 

[RIDER]

Żwieġ qasir għal Mariah Carey?

aħbarijietdotcom
7 ta' Lulju, 2008 13:48 CET Wara xahrejn biss li ilha miżżewwġa, mid-dehra l-kantanta Mariah Carey diġa għandha l-problemi mar-raġel tagħha, l-attur Nick Cannon.
Skond sorsi qrib tal-koppja, Cannon qed jinduna li minkejja l-fatt li bil-bidu tar-relazzjoni tagħhom huwa vera kien ferħan ma' Carey, illum il-ġurnata kollox ibiddel għan-negattiv. Mid-dehra Carey qed titlob wisq affarijiet lil Cannon, u **** ma jsirx dak li tixtieq hi qed ikun hemm ħafna ġlied bejniethom.
Carey u Cannon iltaqgħu Marzu li għadda waqt li l-kantanta kienet qed taħdem vidjo mużikali. Eżatt xahrejn wara li ltaqgħu kellhom iċ-ċerimonja tat-tieġ.

 

[RIDER]

Żewġ trabi jagħmlu d-debutt tagħhom
aħbarijietdotcom
8 ta' Lulju, 2008 15:57 CET

L-atturi Nicole Kidman u Matthew Mc Conaughey żgur li għadhom kif għaddew minn mument feliċi, hekk kif it-tnejn li huma flimkien mal-partners respettivi tagħhom għad kif kellhom it-trabi.

Kidman flimkien mar-raġel tagħha Keith Urban kellhom tifla t-Tnejn filgħodu, li ħa jkollha l-isem ta' Sunday Rose Kidman Urban. Kelliem għal Urban qal li kemm Nicole u kif ukoll Urban huma ferħanin immens b'din il-wasla, u li kemm l-omm u kif ukoll it-tarbija jinstabu tajbin mmens.

Minn naħa l-oħra l-attur Matthew McConaughey flimkien ma' l-għarusa tiegħu l-mudella Camila Alves it-tnejn filgħaxija esperjenzaw il-wild ta' l-ewwel tifel tagħhom. Sors qrib tal-koppja ammettew li Matthew u kif ukoll l-għarusa tiegħu jinsabu ferħanin mmens u li huma ferħanin b'din il-wasla.

 

[RIDER]

Katie Holmes tistenna tarbija?

aħbarijietdotcom
9 ta' Lulju, 2008 15:39 CET Rapporti li dehru fuq il-midja internazzjonali qed jgħidu li l-attriċi Katie Holmes qed tistenna it-tieni tarbija tagħha flimkien mar-raġel l-attur Tom Cruise. Dan wara li l-attriċi dehret kemmxejn imżaqqa f'ritratti li ġew meħudha waqt il-festa ta' l-4 ta' Lulju.
Apparentament Holmes ilha tgħid li tixtieq jkollha iktar tfal u mid-dehra sors qrib tal-familja qalu li issa li t-tifla tagħhom Suri kibret, l-attriċi tixtieq ikollha tarbija oħra x'tieħu ħsieb.
Għalissa Holmes u Cruise għandhom tarbija waħda Suri. Minn naħa tiegħu Cruise għandu żewġt'itfal addottivi miż-żewġ preċedenti tiegħu ma' Nicole Kidman.

 

[RIDER]

Tiżżewweġ l-attriċi Olivia Newton-John

aħbarijietdotcom
10 ta' Lulju, 2008 15:13 CET L-attriċi Olivia Newton-John, iktar magħrufha għal parti tagħha fil-film ‘Grease', għadha kif iżżewwġet għat-tieni darba man-negozjant John Easterling. Ta' min jgħid li l-familjari u l-ħbieb tal-koppja ma kinuex jafu li t-tnejn kienu ħa jiżżewġu. Anzi huma mingħalihom li kienu ser jattendu barbeque sabiex jiċċelebraw l-4 ta' Lulju.
Minkejja l-ferħ tal-ġurnata, għal ftit ħin kien hemm il-ħsieb li jikkanċellaw kollox. Dan minħabba l-fatt li fil-viċin kien hemm xi nirien. Minkejja dan kollu Newton-John ma ridietx tippostponi iċ-ċerimonja.
Dan kien it-tieni żwieġ għall-attriċi, **** fl-1995 kienet tiddivorzjat l-ewwel raġel tagħha Matt Lattanzi.

 

[RIDER]

Mużew għall-attur Jackie Chan

aħbarijietdotcom
11 ta' Lulju, 2008 08:50 CET L-attur popolari Jackie Chan ħa jiġi onorat f'art twelidu hekk kif ħa jinbena mużew li ħa jospita affarijiet minn ħajtu. Dan hekk kif ġie żvelat fuq is-sit elettroniku ta' l-attur stess.
F'din l-istess stqarrija ntqal li x-xogħlijiet fuq dan il-bini bdew iktar kmieni matul din il-ġimgħa u li l-attur stess kien qiegħed hemmhekk għal ċerimonja żgħir li ġiet organizzata. Skond l-istess artiklu li deher fuq is-sit tiegħu, ix-xogħol fuq il-bini tal-mużew għandu jispiċċa f'Ottubru ta' l-2009.
Dan il-mużew ħa jkun qed jospita u juri kostumi u affarijiet varji li Chan uża waqt il-films tiegħu.

 

[RIDER]

Tħallina l-attriċi Evelyn Keyes

aħbarijietdotcom
12 ta' Lulju, 2008 12:33 CET Għadu kif ġie rrapurtat li l-attriċi veterana Evelyn Keyes mietet aktar kmieni matul ix-xahar fl-eta' ta' 91 sena. Keyes, li tibqa' imfakkra għal parti tagħha fil-film 'Gone With The Wind' bħala Suellen, mietet preċiżament fl-4 ta' Lulju b'kawża ta' kanċer.

Ħabib qrib tal-familja qal li din l-aħbar ma ġietx irrilaxxata qabel peress li l-ewwel riedu jistennew li ċ-ċertifikat tal-mewt ta' l-attriċi jkun inħareġ qabel ma jxandru l-mewt tagħha.

Il-ħajja ta' Keyes kiene twaħda turbulenti mmens u mhux l-ewwel darba li l-avventuri tal-ħajja personali tagħha kienu jiġu rrapurtati iktar mill-karriera tagħha. Fost il-films li ħadmet wieħed jista' isib 'Here Comes Jordan', 'The Prowler' u 'The Big Combo'.

 

[RIDER]

L-attur Sir Michael Caine onorat bl-istilla ta' Hollywood

aħbarijietdotcom
13 ta' Lulju, 2008 11:38 CET L-attur Ingliż Sir Michael Caine ġie onorat bi stilla quddiem it-teatru Ċiniż Grauman f'Hollywood. Waqt ċ-ċerimonja nniffisha Caine qal li verament iħossu onorat minħabba l-fatt li dan il-premju huwa wieħed vera prestiġjuż.
Matul il-karriera tiegħu, Sir Michael Caine deher f'iktar minn 100 film u kien innominat sitt darbiet għal premju ta' l-Oscar. Fil-futur qarib l-attur ser jidher fil-film ‘The Dark Knight'.
Minn mindu twaqqaf dan il-premju fl-1921, kienu 192 l-artisti li ngħataw dan il-premju.

 

[RIDER]

Nicole Kidman tirċievi rigal mingħand l-eks raġel tagħha

aħbarijietdotcom
14 ta' Lulju, 2008 14:38 CET L-attriċi Awstraljana Nicole Kidman, li fil-ġimgħat li għaddew saret omm ta' l-ewwel wild bijoloġiku tagħha, qalgħet rigal xejn mistenni mingand l-eks raġel tagħha Tom Cruise.
Filfatt Cruise flimkien ma' martu Katie Holmes nagħtu hamper mimli oġġetti addatti għat-tarbija ta' Nicole, li ħa jkollha l-isem ta' Sunday. Ta' min jgħid li Cruise u Kidman flimkien kienu diġa l-ġenituri addottivi ta' Conor u Bella, li llum il-ġurnata għandhom 13 u 15-il sena.
Skond sorsi qrib ta' l-attriċi, Kidman diġa intlemħet barra wara li kellha t-tifla, waqt li kienet qed tikeol ma' sħabha. L-istess sorsi qalu li l-attriċi, li llum il-ġurnata għandha 41 sena, laqgħet dan ir-rwol il-ġdid f'ħajjitha b'enerġija liema bħala.

 

[RIDER]

Cristiano Ronaldo single jew le?

aħbarijietdotcom
15 ta' Lulju, 2008 11:54 CET Rapporti li dehru fuq il-midja internazzjonali qed jallegaw li l-futboller Cristiano Ronaldo għadu kif ħalla t-tfajla tiegħu, il-mudella Nereida Gallardo. Dan minħabba xi affarijiet li għamlet fil-passat tagħha.
L-għajdut ħarġu hekk kif il-mudella dehret tmur għal vaganza ma' sħaba f'Ibiza, waqt li ronaldo kien qiegħed imweġġa' il-Portugall
Għall-ewwel Gallardo ma ridietx tikkummenta fuq is-sitwazzjoni, iżda wara xi ftit hija qalet li r-relazzjoni tagħhom ma spiċċatx u li sa dalgħodu kienet għadha kif tkellmet ma' Ronaldo.
Minn naħa l-oħra, gallardo qed isostni li dan kollu mhuwiex minnu. Gallardo u Ronaldo ilhom joħorġu ma' xulxin għal dawn l-aħħar xhur.

 

[RIDER]

Pospost iż-żwieġ bejn Sacha Baron Cohen u Isla Fischer

aħbarijietdotcom
16 ta' Lulju, 2008 09:50 CET Skond artikli li dehru dan l-aħħar fuq il-midja internazzjonali, iż-żwieġ ta' bejn il-kummidjant Sacha Baron Cohen u l-attriċi Isla Fisher ġie pospost. Dan wara li Fischer ma laħqitx lestiet l-istudji kollha sabiex tikkonverti għal Ġudajiżmu.
Mid-dehra Fischer kellha temfasizza fuq l-istudji tagħha wara li kellha t-tarbija tagħhom, Olivia. Minn naħa l-oħra, l-attriċi kellha opportunita' ta' xogħol u minħabba l-film kellha tnaqqas l-ammont ta' ħin li kienet tiddedikata għall-istudju ta' l-iskrittura.
Mid-dehra skond l-istess sorsi, minħabba dan il-fatt omm Cohen ma tantx qed tieħu gost li l-attriċi mhiex qed tieħu s-sitwazzjoni b'iktar serjeta.
Sacha Baron Cohen huwa iktar magħruf għal karattri li joħloq, fosthom Ali G u Borat.

 

[RIDER]

Xniegħat li Heath Ledger se jkun nominat għal Oscar

aħbarijietdotcom
18 ta' Lulju, 2008 11:11 CET F'dawn l-aħħar ġimġħat ċertu għajdut bdew jiġru fid-dinja taċ-ċinema, dwar l-attur li m'ilux ħalliena Heath Ledger. Filfatt dawn l-isess għajdut bdew jgħidu li permezz ta' l-aħħar rwol li ħadem fil-film ‘The Dark Knight', li huwa parti is-sensiela ta' films ta' Batman, huwa għandu ċans illi jiġi nominat għal Oscar.
Dawk il-ftit li s'issa raw biċċiet minn film kollha qed jgħidu li dawn huwa l-aħjar parti li l-attur Awstraljan qatt ħadem Tant hu hekk li l-istess kritiċi qed jgħidu li l-istess rwol, li kien ħadmu wkoll Jack Nicholson, huwa l-aħjar wieħed s'issa.
Heath Ledger sfortunatament kien miet fil-bidu ta' din is-sena minħabba overdose ta' droga. Huwa kien instab mejjet fl-appartament tiegħu.