*vip gossips min aħbarijietdotcom

l-kantanta Rihanna taqleb għad-dinja taċ-ċinema

aħbarijietdotcom
23 ta' Mejju, 2008 10:10 CET Il-kantanta tal-mużika pop Rihanna ħa tieħu triq differenti fil-karriera tagħha. Dan hekk kif is-sena id-dieħla ħa tidher fil-film ‘Mama Black Widow' flimkien ma' Mos Def. Dan skond artiklu li deher fuq is-sit www.gigwise.com.
Skond l-istess artiklu dan il-film, li ħa jkun addattat min-novella li ġġib l-istess isem, ħa jkollu direzzjoni tad-direttur Darren Grant.
Dan żgur illi hu mument tajjeb għal karriera tal-kantanta, hekk kif bħalissa Rihanna għaddejja mit-tur mużikali tagħha wara suċċess li kellha bl-aħħar album li nehdiet.

Jolie u Pitt jixtru dar ġdida


27 ta' Mejju, 2008 09:49 CET Angelina Jolie u l-partner tagħha Brad Pitt għadhom kemm nefqu miljuni ta' flus fuq dar kbira immens fi Franza.
Din id-dar jisimha Chateu Miraval f' villaġġ jismu Brignol li hu ħdejn Aix-enProvence. Il-proprjeta qiegħda fuq art kbira u għandha 35 kamra, diegħlja, lag u ħandaq fond u wiesgħa mimli bl-ilma imdawwar mad-dar.
Id-dar qiegħda mdawwra bil-foresta u għalhekk għandhom privatezza totali, eżattament dak li kienu qed ifittxu huma. Huwa pratikament impossibli li xi paparazzo jirnexxielu jieħu xi ritratti minn tagħhom jirrilassaw ġod-dar.

Nicole Kidman iddiżappuntanta

"Tom 'mmanipula' t-tfal kontrija"

aħbarijietdotcom
28 ta' Mejju, 2008 09:51 CET Nicole Kidman akkużat lil ex-raġel tagħha Tom Cruise li 'mmanipula' lit-tfal addottati tagħhom, Isabella u Connor kontriha.
Nicole li hija tqila bl-ewwel tarbija bioloġika tagħha qalet li hi qed tħossha ddiżappuntanta li Tom qed jimmanipula lit-tfal biex joqgħodu l-bogħod minnha.
Nicole qalet ukoll li t-tfal spiċċaw għażlu li qattgħu Jum l-Omm ma' Tom u martu Kate minflok magħha. 'It-tfal huma iktar viċin Kate' ammettiet Nicole.

Vinja għal Victoria Beckham f'għeluq sninha

aħbarijietdotcom
31 ta' Mejju, 2008 11:18 CET Il-'Posh Spice' u mart il-footballer ċelebri Ingliż David Beckham, ingħatat rigal li tellagħha mas-smewwiet mingħand żewġha, hekk kif f'għeluq sniena David xtralha vinja tagħha ġewwa Napa Valley f'Kalifornja.
Il-gazzetta Ingliża The Sun irrappurtat illi l-footballer Ingliż ħallas somma kbira li għanda mnejn tammonta għal aktar minn miljun lira Ingliżi wara li f'dawn l-aħħar xhur kien għaddej bi tfittxija ntensiva għal vinja ideali.
M'huwiex magħruf jekk din il-vinja hiex ser tintuża għal produzzjonijiet personali jew jekk inkella l-inbid prodott hux ser jinbiegħ taħt id-ditta Beckham.
Il-midja nternazzjonali rrappurtat illi l-Beckhams saru dilettanti ta' l-inbid wara li David mar jilgħab fi Spanja.

Amy Winehouse tisfratta seduta fil-Qorti

aħbarijietdotcom
4 ta' Ġunju, 2008 11:14 CET Il-kantanta Amy Winehouse ġiet irrappurtata fil-midja nternazzjonali li waqt is-seduta tat-Tnejn li għadda fil-Qorti tal-każ ta' żewġha Blake Fielder-Civil, hija sfrattat l-proċeduri tal-Qorti bl-imġieba tagħha.
Huwa magħruf illi Winehouse attendiet għal din is-seduta, li seħħet fil-Qorti Snaresbrook Crown li tinsab fin-naħa tal-Lvant ta' Londra, u malli daħlet qalet 'Inħobbok' lil żewġha minn taħt l'ilsien.
Kienu bosta dawk il-mumenti li hija u Blake żammew il-ħarsa ta' xulxin għal bosta minuti u f'ħin minnhom messet is-siġġu ta' ħdejjha u għal darb'oħra minn minn taħt l'ilsien qaltlu sabiex imur ipoġġi hemm. Hija kellha tbiddel il-post tagħha fl-awla darbtejn.
Iżda l-kulminazzjoni ta' dan l-avveniment kien **** l-prosekutur Sean Larkin beda l-argumenti legali tiegħu. Fil-pront hija għamlet sinjal oxxen b'idejjha u qalet kliem oxxen minn taħt l-ilsien. F'ħin minnhom Winehouse saħansitra staqsiet għal karta u lapes sabiex tkun tista' tikteb messaġġ lil Blake.
Eventwalment tant li kompliet tisfratta din is-seduta, li hija ġiet mitluba sabiex tħalli l-awla u ħarġet il-barra b'ħafna frakass.
Intant il-proċess legali attwali ser jingħata bidu aktar tard matul dan ix-xahar, fejn Blake flimkien ma' żewġt irġiel oħra jinstabu akkużat illi prova jostakola l-ġustizzja billi ħallas vittma f'każ ta' assalt.

Depp joffri l-użu tal-gżira privata tiegħu lil Lohan

Depp joffri l-użu tal-gżira privata tiegħu lil Lohan


5 ta' Ġunju, 2008 11:00 CET L-attur Johnny Depp jidher li offra lil Lindsay Lohan l-użu tal-gżira privata tiegħu wara li ltaqgħu backstage fl-MTV Movie Awards fi tmiem il-ġimgħa li għadda.

Depp u l-partner tiegħu Vanessa Paradis għandhom din il-gżira fil-Karibew li fiha jagħmlu żjarat **** jridu jaħarbu minn kollox u minn kulħadd.

Jidher li Johnny rrealiżża l-istress li l-fama tista' titfa fuq min ikun celebrita' u ra li Lindsay għandha bżonn pawża żgħira minn dan l-istress kollhu. Lohan jidher li tinsab entużjasta dwar din l-offerta.

Jennifer Aniston u John Mayer

aħbarijietdotcom
14 ta' Ġunju, 2008 10:04 CET L-attriċi Jennifer Aniston tidher li reġgħat sabet l-imħabba hekk kif dan l-aħħar intlemħet ta' spiss mal-kantant John Mayer. Hija saħansitra laqqagħtu ma' l-akbar ħabiba tagħha, Courtney Cox Arquette u r-raġel tagħha David Arquette. Għalkemm huma qed jippruvaw ma jagħtux wisq fil-għajn, xorta waħda jidher li r-rapport ta' bejniethom sejjer tajjeb u qiegħed jikber. Filfatt Mayer deher anke jsuq il-karozza ta' Jennifer u jqatta' ġranet numerużi d-dar tagħha.
Kemm Aniston kif ukoll Mayer għamlu żmien twil isostnu li huma biss ħbieb, iżda eventwalment jidhru li r-relazzjoni ta' bejniethom qiegħda tikber fis-sod. Ftit tal-ġimgħat ilu ħareġ l-għajdut li huma jridu jagħmlu tattwaġġ simili, kif ukoll li qed jippjanaw għal tarbija, madanakollu dan għadu biss għajdut u huma għadhom ma kkonfermaw xejn.

Tmut l-attriċi u żeffiena Cyd Charisse aħbarijietdotcom

Fl-eta' ta' 87 sena, l-attriċi u ż-żeffiena Cyd Charisse mietet kminei it-Tlieta filgħodu wara li soffriet minn attakk tal-qalb. Charisse tibqa' dejjem imfakkra għar-rwoli li kellha ma' ġenb il-leġġendarju Fred Astaire, speċjalment ix-xena li kellu miegħu fil-film ‘Singing' in the Rain'.

Charisse twieldet fl-1921 u minn eta' żgħira bdiet tistudja ż-żfin. Ta' l-eta' tenera ta' 14-il sena bdiet tiżfen mal-kumpanija prestiġjuza Ballet Russe u permezz ta' din l-opportunita' dahret l-Ewropa. Din l-avventura malajr waqfet ħesrem minħabba it-Tieni Gwerra Dinjija. Minn naħa l-oħra, fl-1942 kellha l-ewwel opportunita' tagħha film.

Fattur kurjuż dwar din l-artista huwa li fiż-żmien 40 kienet għamlet insurance fuq saqajha ta' madwar miljun dollaru.


__________________