Mill Gurnali

Pensjonant joqtol serp wara li għamel operazzjoni f'qalbu
Pensjonant ta' 80 sena ma tantx dam jaħsibha sabiex joħroġ mis-sodda tiegħu ħalli joqtol serp velenuż. Il-ħaġa ta' l-iskantament hu l-fatt li dan ir-raġel kien qiegħed ġewwa l-kura intensiva ta' sptar wara li kien għadu kif għamel operazzjoni f'qalbu.

Miko Vukovic ra s-serp ġewwa l-isptar ta' Ogulin fil-Kroazja. Uffiċjali ta' l-isptar qalu li x'aktarx dan is-serp iddaħħal ġewwa l-bini bi żball permezz ta' bukkett tal-fjuri. Dan wara ġie kkonfermat wara li sabu biċċiet tal-ġilda tas-serp ġewwa bukkett. Mid-dehra wara li daħal fl-isptar, is-serp daħal ġewwa s-sezzjoni tal-kuri intensivi ħalli jsib post ġdid fejn jistaħba.

Vukovic, li kien qed jinżamm f'din is-sezzjoni flimkien ma' tliet pazjenti oħra, induna bis-serp matul il-lejl waqt li dan kien qed jersaq lejn is-sodda tiegħu.

Il-pensjonant ammetta li dam jiġġieled miegħu għal madwar għaxar minuti qabel ma' irnexxielu joqtlu.

Misjuba 21 kadavru fil-baħar taħt ir-responsabbilta' tal-Libja

Misjuba 21 kadavru fil-baħar taħt ir-responsabbilta' tal-Libja

... u 24 immigrant illegali ieħor jiddaħħlu Malta


Misjuba 21 kadavru fil-baħar taħt ir-responsabbilta' tal-Libja
21 kadavru nstabu kmieni l-bieraħ wara nofsinhar minn fregata tan-Navy Franċiża fl-ibħra li jaqgħu taħt ir-responsabbilta' Libjana għat-tfittxija u salvataġġ. Kien għall-ħabta tas-2:00pm **** l-Forzi Armati ta' Malta kienet infurmata mill-Armata Franċiża li wieħed mill-bastiment tagħha nterċetta kadavru fil-baħar. Sa l-4:00pm l-fregata "Lamotte Piguet" irnexxielha ssib tmien kadavri bit-tfittxija baqgħet għaddejja sa tard filgħaxija. Jirriżulta li b'kollox instabu 21 kadavru, minkejja li għadha ma ġietx stabbilita n-nazzjonalita' tagħhom. Sadanittant, baqgħu għaddejjin għal tul ta' ħin l-isforzi diplomatiċi bejn l-awtoritajiet Libjani u dawk Franċiżi biex il-kadavri jitħallew jiddaħħlu fil-Libja.

Sadanittant, għall-ħabta tat-8:30 pm, patrol boat tal-FAM interċettat dgħajsa bl-immigranti llegali madwar erba' mili 'l barra mill-kosta ta' Marsaxlokk. Jirriżulta li abbord din id-dgħajsa kien hemm 27 immigrant illegali, fosthom sitt nisa u waħda minnhom tqila. Id-dgħajsa bl-immigranti llegali ingħatat l-għajnuna u ddaħħlet ix-xatt ta' Marsaxlokk, fejn l-immigranti llegali ngħaddew f'idejn il-Pulzija għal aktar investigazzjonijiet.

Stennija għar-relikwa ta' San Ġorġ Preca f'Malta

Stennija għar-relikwa ta' San Ġorġ Preca f'Malta
Wara dak kollu li seħħ fil-Vatikan b'rabta mal-Kanonizzazzjoni ta' San Ġorġ Preca, issa l-istennija hi għall-wasla lura f'pajjiżna tar-relikwa qaddisa ta' San Ġorġ Preca. Għal din l-okkażjoni tħejja programm sħiħ ta' attivitajiet, li jilħaq il-qofol tiegħu b'Quddiesa kkonċelebrata fuq il-Fosos tal-Furjana nhar il-Ħamis li ġej. Dakinhar ir-relikwa se tkun preżenti fiżikament fuq il-Fosos, kif kienet il-bieraħ fi Pjazza San Pietru waqt iċ-ċerimonja tal-Kanonizzazzjoni. Iżda fil-jiem ta' qabel ir-relikwa se tkun għall-qima tal-pubbliku f'diversi postijiet fil-gżejjer Maltin.

Minn Ruma r-relikwa bid-demm ta' San Ġorġ Preca se titwassal lura Malta għada t-Tlieta u se tittieħed direttament lejn Għawdex mill-Isqof ta' Għawdex Mons. Mario Grech. Għada fit-3:00pm se titlaq bil-lanċa miċ-Ċirkewwa lejn il-Port ta' l-Imġarr f'Għawdex. Wara jibdew sensiela ta' żjarat f'numru ta' Parroċċi. Ir-relikwa tintlaqa' f'kull Parroċċa permezz ta' mota ferriħija u mal-wasla f'kull Knisja, tingħad talba mill-Kappillan tal-post, u jsir il-bews tar-relikwa. Fl-istess ħin se jkun qed jingħad talb mill-kitbiet ta' Dun Ġorġ stess. Fi tmiem kull żjara tingħata l-barka bir-relikwa u l-Kappillan ta' dik il-Parroċċa partikolari jakkumpanja relikwa fil-Parroċċa li jmiss.

Iż-żjarat bir-relikwa ta' San Ġorġ Preca jkomplu l-għada l-Erbgħa minn kmieni filgħodu. bl-ewwel żjara tibda fis-6:30am fil-Parroċċa tax-Xagħra. Sa l-għada l-Ħamis ir-relikwa tkun għall-qima tal-poplu Malti fil-Kon-Kattidral. Il-programm imbagħad jilħaq il-qofol tiegħu fis-7:00pm bir-relikwa tinġarr f'purċissjoni mill-Kon-Kattidral sa fuq il-Fosos fejn fis-7:30pm tibda Quddiesa li se titmexxa mill-Arċisqof Pawlu Cremona.

Wara ċ-ċelebrazzjoni r-relikwa tittieħed fil-Kappella tal-Mużew fil-Blata l-Bajda, biex nhar il-Ġimgha tittieħed lura fil-Knisja Parrokkjali ta' San Gejtanu, il-post oriġinali tagħha għal ħafna snin.

Paris tidħol il-ħabs kmieni
Paris Hilton daħlet il-ħabs jumejn qabel il-waqt, skond l-aħħar rapporti li qalu li hi tat lilha nnifisha ilbieraħ filgħaxija.

Hi apparentament kjienet misjuqa lejn il-ħabs wara l-MTV Movie Awards fejn kienet akkumpanjata mill-ġenituri tagħha u l-avukat.

Stqarrija minn Paris qalet li matul dawn l-aħħar ġimgħat hi kellha ċans biex taħseb u rrealizzat li għamlet l-iżbalji. “Dan huwa punt importanti f’ħajti fejn irrid nieħu r-responsabilta tal-azzjonijiet tiegħi, fil-futur qed nippjana li nieħu rwol iktar attiv fid-deċiżjonijiet li nieħu”

Hi qalet li għalkemm tinsab beżgħana, hi lesta li tibda s-sentenza ta’ ħabs tagħha.

Kunċert ta' George Michael jitħassar wara inċident tat-traffiku

04/06/2007 12:07:03
Kunċert ta' George Michael jitħassar wara inċident tat-traffiku
George Michael kellhu jħassar il-kunċert tiegħhu ilbieraħ fi Praga wara inċident tat-traffiku fejn wieħed mit-trakkijiet li kien qed iġorr apparat għal kunċert ħabat.

Il-promoter tal-kunċert Petr Novak qal li t-trakk li ħabat waqt li kien qed jivjaġġa ġewwa r-Rumanija kien fih sezzjonijiet speċjali tal-palk.

Hu qal li sfortunatament parti kbira tal-palk speċjali baqa mwaħħal ġot-trakk u ma kienx possibli jiġi mibdul.
M’hemmx dettalji dwar **** dan il-kunċert ser isir. George Michael ma’ kienx involut fl-inċident.

L-iktar raġel xiħ fl-Ewropa

L-iktar raġel xiħ fl-Ewropa
L-iktar raġel xiħ tal-Ewropa għalaq 111-il sena. Hu kien il-mistieden speċjali fuq il-Victory ta’ Lord Nelson.

Dan l-ajruplan vintage għamel fly past u l-Banda tar-Royal Marines daqqet Happy Birthday lil dan l-eroj tal-Ewwel Gwerra Dinjija Henry Allingham.

Henry li reċentement iddaħħal f’dar tax-xjuħ fi Brighton issa naqsitlu s-saħħa u ma jistax jimxi u qed jitlef il-vista u s-smiegħ.

Matul din l-aħħar sena hu deher fil-pubbliku madwar 60 darba, inkluż f’laqgħa mal-Prinċep Karlu u d-Dukessa ta’ Cornwall, żjara f’10 Downing Street biex jiltaqa ma’ Tony Blair u Gordon Brown, festin fil-ġnien tal-Palazz Buckingham, intervisti fuq it-televixin u taħdidiet fi skejjel.

Dennis Goodwin, iċ-charimen tal-Assoċjazzjoni tal-Veterani tal-Ewwel Gwerra Dinjija jieħu ħsieb tad-djarju ta’ Henry, jieħdu l-avvenimenti u huwa mifhum mill-familja ta’ Henry li ta skop għal ħajja mill-ġdid lil Henry. Dennis irnexxielu jiltaqa’ ma’ Henry sitt snin ilu **** l-anzjan kien qed jgħix ħajja kwieta f’Estbourne.

Il-memorji ta’ Henry tal-gwerra u ta’ rġiel imutu fit-trunċieri jew jinħarqu ħajjin f’ajruplani tant kienu koroh li żammhom sigrieti u evita reunions tal-veterani għal 86 sena.

Iżda Dennis għen lir-raġel xwejjaħ li ħa sehem f’battalji f’Somme, Ypres, Jutland u Passchendaele jirrealiżża l-importanza storika tal-memorji tiegħu.

Dennis qal li din hija ġurnata mill-isbaħ għalihom li jarawh għalaq 111-il sena għalkemm Henry huwa modest wisq li jaħseb li hu tad-daħk li qed jagħtuh tant importanza sempliċiment għax għex daqshekk.

It-tifel imlaqqam bħala ‘iPod uman’

05/06/2007 10:29:20
It-tifel imlaqqam bħala ‘iPod uman’
Tifel li jbati mill-awtiżmu u li kemm kemm jitkellem ġie imlaqqam bħala ‘iPod uman’.

Derek Paravichini jiftakar u jdoqq il-mużika kollha li jisma fuq il-pjanu. Hu beda jdoqq il-pjanu **** kellhu sentejn u beda jdoqq għan-nies fl-eta ta’ 4 snin.

L-għalliem tiegħu Adam Ockleford qal li hu u Derek intaqgħu **** kellhu 4 snin u nofs. “It-tifel kien telaq minn ħdejn il-ġenituri tiegħu imbotta lil tifla żgħira lilhinn mil-pjanu u beda jdoqq ‘Don’t Cry for Me Argentina’.

Derek twieled tlett xhur premature u kien jiżen biss libbra u nofs. Derek kiber għami u żvilluppa awtiżmu.
Ockleford qal li huma jaħsbu li peressli it-tifel ma jarax u ma jifhimx ħafna x’inhu għaddej madwaru partijiet oħra ta’ moħħu jaħdmu ħafna iktar. “It-tifel qishu għandhu fabbrika tal-mużika hemm fuq” qal Ockleford.

Għal Derek, il-mużika mhijiex passatemp, huwa il-mod li bih jikkomunika mad-dinja, l-mod li bih jirrelata man-nies u biex jagħmilhom kuntenti.

Jiftaħ is-summit tal-G8

Jiftaħ is-summit tal-G8

Fost sigurta' kbira minħabba l-protesti li qed isiru kif ukoll tensjoni bejn ir-Russja u l-Istati Uniti, f'Heiligendamm, barra Rostock, fetaħ is-summit tal-G8 taħt il-Presidenza tal-Ġermanja.

L-Istati Uniti offriet riassigurazzjoni li l-pjan tagħha biex titrażżan il-ħsara lill-klima dinjija ma kinitx se tfixkel l-isforzi tan-Nazzjonijiet Uniti. Iżda minkejja dan, Washington eskluda li f'dan is-summit jaqbel li jkun hemm qtugħ kbir fil-ħruġ tal-gassijiet li qed jikkawżaw il-ħsara bħalma tixtieq il-Kanċillier Ġermaniż Angela Merkel.

Qabel ma ltaqa' ma' Merkel għal pranzu fil-bidu tas-summit, Bush qal li l-Istati Uniti se sservi ta' pont għad-diversi proposti biex tkun konfrontata l-bidla fil-klima. Merkel kienet qed tittama li tikseb l-appoġġ Amerikan biex sa l-2050, fost miżuri oħra, il-ħruġ tal-gassijiet jitnaqqas bin-nofs.

Qrib il-post tas-summit, il-Pulizija kellha tuża kanuni ta' l-ilma biex tferrex folol ta' dimostranti li qed jippruvaw iħarbtu s-summit u ħebbew għall-pulizija. F'dawn l-inċidenti ta' l-anqas tmien pulizija ndarbu.

Separatament qabel il-ftuħ tas-summit, Bush saħaq li r-Russja ma kinitx ta' theddida għall-Ewropa minkejja li fil-bidu tal-ġimgħa l-President Russu Vladimir Putin hedded li jipponta l-missili Russi lejn l-Ewropa. Dan bi tpattija għall-bini ta' tarka missilistika fil-Polonja u r-Repubblika Ċeka.

Hemm ukoll tilwima dwar il-ġejjieni tal-Kosovo fejn ir-Russja qed toġġezzjona għal pjani biex din il-provinċja Serba tingħata l-indipendenza.

Temi oħra li se jkunu diskussi fis-summit huma l-programm nukleari Iranjan kif ukoll is-sitwazzjoni fil-Lvant Nofsani.

X'inhu l-G8
Il-G8 hu l-grupp tat-tmien pajjiżi l-aktar industrijalizzati fid-dinja. Dawn huma l-Istati Uniti, l-Ingilterra, Franza, il-Ġermanja, il-Ġappun, ir-Russja, il-Kanada u l-Italja. Dan hu forum mhux uffiċjali fejn jiltaqgħu l-mexxejja ta' dawn il-pajjiżi. L-Unjoni Ewropea wkoll tkun preżenti. Hi bdiet tattendi għas-sessjonijiet kollha mis-summit ta' Ottawa fil-Kanada fl-1981.

L-ewwel summit kien sar fi Franza fl-1975 minħabba tilwima li kien hemm dwar il-muniti nazzjonali iżda l-laqgħa ta' dik li kienet il-G7 malajr żviluppat f'opportunitˆ għall-potenzi tad-dinja biex jiddiskutu temi politiċi u ekonomiċi varji. Il-grupp sar magħruf bħala l-G8 wara s-summit li kien sar f'Birmingham fl-Ingilterra fl-1998 **** r-Russja saret uffiċjalment membru. L-aħħar summit fl-2006 kien sar f'San Pietruburgu fir-Russja.

Għal dan is-summit f'Heiligendamm, il-Kanċillier Ġermaniż Angela Merkel stiednet ukoll il-mexxejja tal-Brażil, iċ-Ċina, l-Indja, il-Messiku u l-Afrika t'Isfel għal dawk li huma magħrufa bħala Outreach Meetings. F'dawn il-laqgħat qed jipparteċipaw ukoll Ministri mill-Eġittu, l-Alġerija, in-Niġerja u s-Senegal kif ukoll il-Ghana bħala President ta' l-Unjoni Afrikana.

Periklu ta' diżastru ambjentali fl-Awstralija

editor005 • 08/06/2007 18:49:18
Periklu ta' diżastru ambjentali fl-Awstralija

Hemm tħassib li jista' jkun hemm diżastru ambjentali f'Nobbys Beach qrib il-port ta' Newcastle. Dan wara li vapur ta' 40,000 tunnellata mimli faħam inkalja waqt maltempata kbira.

Il-22 membru ta' l-ekwipaġġ kienu salvati iżda hemm tħassib li l-mewġ kbir ikkawżat minn riħ ta' 100KM fis-siegħa se jaqsam il-vapur. Abbord hemm aktar minn 700 tunellata żejt u 38 tunellata diesel.

Jinstab denfil mejjet f'Pembroke

Jinstab denfil mejjet f'Pembroke

Kmieni wara nofsinhar MaltaRightNow.com kien infurmat li nstab denfil mejjet f'Pembroke eżattament faċċata tar-Reverse Osmosis .

Minn informazzjoni li għandu MaltaRightNow.com jirriżulta li xi nies li kienu jinsabu fl-inħawi raw dan id-denfil max-xatt u immedjatament irrapurtaw lill-Pulizija li minn naħa tagħhom għarfu lil Marine Rescue Team tan-Nature Trust.

Minn informazzjoni li ksibna mingħand il-Marine Rescue Team tan-Nature Trust jidher li d-denfil huwa tat-tip BottleNose, speċi li hija komuni fil-Mediterran minkejja li fl-aħħar snin in-numru ta' dan l-ispeċi beda jonqos drastikament.

**** staqsejna lil organizzazjoni tan-Nature Trust x'setgħet kienet ir-raġuni tal-mewta tad-denfil huma wieġbu li diffiċli tiddetermina ir-raġuni mingħajr awtopsja.

Il-fatt li d-denfil jidher ta' lewn abjad juri li d-denfil ilu mejjet.

Istruzzjonijiet stretti għal jum it-tieġ

Għarusa ħarġet ordnijiet stretti għal jum li fih ser tittejjeġ inkluż **** r-raġel tagħha jista' jmur juża l-kamra l-baxxa.

Jessica Imhoff ta' 30 sena bagħtet permezz ta' email istruzzjonijiet b'kodiċi ikkuluriti lill-għarus, lil-bridesmaids, lil-bestman, lill-ushers u lill-ommha.

Dawn l-istruzzjonijiet stretti issorprendew lil sħabha tant li bagħtu dawn l-emails lil nies oħra u din l-imbierka email spiċċat dahret mar-Renju Unit.

Il-ġurnata tagħha ser tibda fit-08:30 fejn ser tagħmel xagħarha sal-10:30 fejn imbagħad ser tieqaf biex tiekol. Imbagħad ser ikun hemm iktar ħin għal xagħarha, make-up u lbies b'ħinijiet speċifiċi għal-lipstick.

L-għarus u l-bestman għandhom jilbsu fis-13:15. L-aħħar ħaġa li trid tagħmel Jessica qabel ma tmur il-knisja hija li tilbes il-contact lenses fis-13:30 qabel ma' tilqa lil mistiednin u titlob mal-qassis.

Fis-13:45, l-għarus tagħha Rick Hobbs għandhu jmur fil-kamra l-baxxa u jiċċekkja lilhu nnifshu fil-mera. Fis-14:00 il-mistiednin iridu jitfu t-telefoni ċellulari tagħhom.

L-ushers għandhom ukoll istruzzjonijiet dwar **** għandhom ibiddlu s-CDs u **** għandhom jipreparaw il-karozza għal koppja fl-22:30.

L-għarus Rick ta' 30 sena ma kkumentax wisq u qal li din hija xi ħaġa personali.

Ħalliel jinġarr lejn l-għassa minn ommhu
Ħalliel armat Ċek li kien qed jimmira ristoranti ta’ Mc Donald’s inqabad minn widnejh u inġarr lejn l-għassa tal-pulizija minn ommhu stess.

Katka Zahradnikova ta’ 44 sena minn Praga, għarfet lil Michal ta’ 20 sena li jiġi t-tifel tagħha f’footage CCTV li kien qed jidher f’verżjoni lokali ta’ Crimewatch.

Kelliem għal pulizija qal li t-tifel ammetta li hu kien responsabbli għas-serqiet u ma għamlix reżistenza **** ġarrithu minn widnejh sal-għassa sabiex jgħamel stqarrija.

“Ma stajniex nagħmlu aħjar aħna” qal il-kelliem għal pulizija.

Mara teħel il-ħabs fuq serq ta' romblu tal-karta jġenika

Mara teħel il-ħabs fuq serq ta' romblu tal-karta jġenika

aħbarijietdotcom • 13/06/2007 13:39:53
Mara teħel il-ħabs fuq serq ta' romblu tal-karta jġenika

Butts, mara ta' 38 sena, ġiet imresqa l-Qorti ġewwa l-Istat Amerikan ta' Iowa fuq akkuża li għal kemm hi tad-daħk jista' jkollha konsegwenzi serji għal l-akkużata. Hija ġiet mixlija li serqet tlett rombli tal-karta jġenika **** l-ġimgħa l-għaddiet imjegat mil-Qorti ta' Marshall County innota li dawn ir-rombli kienu qegħdin jinħlew b'mod aktar mgħaġġel mis-soltu.

Normalment, att bħal dan jiġi kkundannat b'sentenza ta' nqas minn sena ħabs. Iżda billi din mihiex l-ewwel darba li Butts qed tiġi akkużata fuq serq, għandha mnejn tiġi ppenaliżżata taħt il-liġi għal min jikkommetti reati frikwenti. Jekk dan ikun minnu, Butts għandha mnejn teħel tlett snin ħabs fuq din l-offiża.

Mużika
Il-Blood Red Shoes imfittxija mil-Pulizija

aħbarijietdotcom • 13/06/2007 14:29:44
Il-Blood Red Shoes imfittxija mil-Pulizija

Id-dwett ta' Bloody Red Shoes sabu ruħhom taħt l-iskrutinita' tal-liġi **** kien għadhom kif bdew it-tur mużikali Ewropej tagħhom flimkien ma' Maximo Park.

Steven Ansell u Laura-Mary Carter twaqqfu mil-Pulizija hekk kif kienu qegħdin jippruvaw jidħlu ġewwa Franza. Huma twaqqfu wara li kien ħareġ mandat minn naħa tal-Pulizija għal l-arrest ta' persuna bl-isem ta' Steven Ansell, li kien qed jivjaġġa ġo van bajda flimkien ma' l-akkompliċi femminili tiegħu b'xagħar sewdieni.

Fortunatament, dan id-dwett tħalla jkompli triqtu wara li ġew identifikati bħala mhux minn Orpington u li ma kienux kriminali iżda grupp mużikali.

Il-Blood Red Shoes huma mistennija jagħmlu apparenza ġewwa l-kunċert ta' T In The Park u Latitude li ser jittellgħu fis-7 u fil-15 ta' Lulju rispettivament.

Siġġu magħmul kollhu kemm hu mill-bottijiet riċiklati

Siġġu magħmul kollhu kemm hu mill-bottijiet riċiklati

aħbarijietdotcom • 14/06/2007 10:11:01
Siġġu magħmul kollhu kemm hu mill-bottijiet riċiklati
Laurence Llewelyn-Bowen ikkrea siġġu kontemporanju magħmul kollhu kemm hu mill-bottijiet tax-xorb irriċiklati.

Id-diżinjatur kien ikkumissjonat minn Can Couture sabiex jagħmel dan il-Can Can Chair fejn kellhu juża biss bottijiet li hu u l-familja ġabru minn madwar id-dar tagħhom.

Laurence qal li hu vera ħa gost jaħdem fuqhu u l-idea li juża bottijiet riċiklati biex jiproduċi siġġu eleganti kienet sfida kbira għalih.

“Ir-riċiklar huwa ferm importanti llum il-ġurnata u l-bottijiet huma l-iktar packaging tajjeb għall-ambjent fis-sens li huwa 10% riċiklabbli” qal Laurence. Hu qal ukoll li dawn jistgħu jiġu rriċiklati infinitament għaliex teknikament hu jista jiproduċi biċċa għamara ġdida l-istaġun li ġej billi jdewweb dan is-siġġu.

Dan is-siġġu qiegħed għal wiri fis-City Hall ta' Londra u mistenni jagħmel tour Ewropew qabel ma jirritorna lejn ir-Renju Unit fil-ħarifa fejn imbagħad jiġi rkantant għal karita.

L-aktar jumejn sħan għax-xahar ta’ Ġunju fl-aħħar snin

L-aktar jumejn sħan għax-xahar ta’ Ġunju fl-aħħar snin

Dawn il-jumejn, kienu fost l-aktar jumejn sħan għax-xahar ta’ Ġunju f’dawn l-aħħar snin.

Fil-fatt tul dawn il-jumejn l-għola temperatura laħqet 39.2 gradi Celcius.

Din it-temperatura hi ftit biss inqas mill-għola temperatura reġistrata fit-13 ta’ Ġunju 1997 li kienet laħqet il-40.1 gradi Celcius.

Ikkonferma dan Saviour Porter, Kap ta’ l-Uffiċċju Meterjologiku fl-Ajruport Internazzjonali ta’ Malta, f’intervista ma’ dan l-istazzjon.

Jirriżulta li fl-atmosfera għoli ta’ madwar 10km mill-art l-irjieħ kienu mil-Lbiċ, direzzjoni mid-deżert Sahara. Dan ifforma antiċiklun li kkawża temperaturi sħan ħafna. Iżda tul din il-ġimgħa t-temperaturi – għalkemm xorta sħan - se jkunu xi ftit aktar friski.

Fil-fatt fil-festa ta’ l-Imnarja t-temperatura se tinżel għal 31 grad celcius.

Il-medja għax-xahar ta’ Ġunju is-soltu tkun ftit aktar minn 28 grad celcius, u mewġa ta’ sħana tkun ikkalkulata **** t-temperatura titla’ 10 gradi jew aktar minn hekk. Kif propju kellna f’dawn l-aħħar jiem.

In-Nasa tlesti għal missjoni oħra fl-ispazju

In-Nasa tlesti għal missjoni oħra fl-ispazju

aħbarijietdotcom • 28/06/2007 12:42:05
In-Nasa tlesti għal missjoni oħra fl-ispazju

Vettura għall-ivjaġġar fl-ispazju tan-NASA ser tagħmel vjaġġ fl-ispazju x-xahar id-dieħel sabiex tesplora l-ikbar żewġ asterojdi fis-sistema solari.

Huwa maħsub illi l-asterojdi huma l-bażi principali ta' kull pjaneta. Għalhekk jiġu li huma relikwi tal-formazzjoni tas-sistema solari ta' 4.6 biljun sena ilu.

Din il-missjoni mlaqqma 'Dawn' – Sbiegħ ix-Xemx, ser titlaq mill-istazzjon tal-Forza ta' l-Ajru ta' Cape Canaveral fi Florida fis-7 ta' Lulju sabiex tistudja l-asterojdi Ceres u Vesta. Il-vettura spazjali Dawn mistennija tasal ħdejn Vesta fl-2011, qabel ma żżur lil Ceres fl-2015.

Skond ix-xjentist li qed jikkoordinaw din il-missjoni Christopher Russell, Ceres u Vesta ġew alterati anqas minn asterojdi oħra. Id-dinja tagħna il-ħin kollhu tinbidel u qed taħbilna l-passat tagħha. Iżda Ceres u Vesta li ffurmaw aktar minn 4.6 biljun sena ilu, ippreservaw l-istat oriġinali tagħhom. Ceres li hija kważi sferika, hija maħsuba li żżomm saff ta' silġ taħt il-wiċċ tagħha daqs 60-120km l-isfel.

F'laqgħa, s-sena l-oħra, ta' l-Unjoni Internazzjonali Awstronawtika (IAU), Ceres ġiet elevata fl-istat tagħha minn sempliċament l-ikbar asterojdi għal pjaneta żgħira, l-istess bħall-pjaneta Pluto.

Dawn mistennija jistudjaw l-istruttura u l-kompożizzjoni ta' dawn iż-żewġ asterojdi, u jagħti xi ħjiel fuq l-evoluzzjoni u l-kundizzjonijiet ta' kif dawn l-asterojdi ffurmaw.

L-objettivi ta' din il-missjoni jinkludu:
- studju ta' l-istruttura intern u d-densita'
- jiddetermina d-daqs, il-kompożizzjoni, il-forma u l-piż
- jeżamina l-fattizzi tal-wiċċ u l-krejters
- jinftiehem aħjar l-irwol ta' l-ilma fil-kontroll ta' l-evoluzzjoni ta' asterojdi.

It-temperatura mistennija taqbeż l-40 grad Celcius
Id-dipartiment tal-Protezzjoni Ċivili fi stqarrija appella lill-pubbliku biex fl-erbat ijiem illi ġejjin jieħu l-prekawzjonijiet kollha meħtieġa għax it-temperatura mistennija taqbeż l-40 grad Celsius.

Għaldaqstant il-Protezzjoni Ċivili tavża biex il-pubbliku jevita milli joħroġ f'ħinijiet li jkun hemm xemx qawwija u appella biex jinxtorob hafna ilma.