*vip gossips min aħbarijietdotcom

Paris Hilton imkeċċija minn lukanda Russa

aħbarijietdotcom
24 t' April, 2008 05:58 CET Il-lukanda Hyatt li tinsab ġewwa Moscow qed tipprojbixxi liċ-ċelebri Paris Hilton milli terġa' toqgħod magħhom wara li ħażżet isimha fuq il-ħajt tal-‘presidential suite' tagħhom.
Il-midja Ingliża tirrapporta li Paris kienet qed toqgħod ġewwa din il-lukanda l-ġimgħa l-oħra filwaqt li kienet qed tippreżenta l-MTV Russian Movie Awards. Huwa magħruf li waqt serje ta' ritratti li kienet qed tippoża għalihom, Paris ħażżet il-kliem ‘Paris Moscow 2008' bl-iswed fuq il-ħajt.
Fil-pront il-lukanda mmultat lil Paris £4500 għal dan id-dannu, kif ukoll ipprojbita milli qatt terġa' toqgħod għandhom.
Intant Hilton iċċelebrat l-anniversarju ta' xahrejn mal-maħbub tagħha Benji Madden it-Tnejn li għadda ġewwa Los Angeles. F'kumment li tat lir-rivista People magazine, hija qalet li għal din l-okkażjoni ċ-ċelebrazzjonijiet kienu nformali, u li Benji huwa ġuvni b'karatteristiċi tassew differenti mill-oħrajn.

Naomi Campbell tipprova x-xogħol t'attriċi

aħbarijietdotcom
25 t' April, 2008 13:03 CET Il-mudella popolari, u kemmxejn vjolenti, Naomi Campbell mid-dehra ħa tipprova professjoni oħra. Filfatt skond artiklu li deher fuq is-sit ‘Now' huwa mistenni li l-mudella tieħi sehem waqt l-aħħar episodju tas-serja televiżiva ‘Ugly Betty'.
Skond l-istess artiklu, għalissa għadu mhuwiex magħruf jekk il-mudella hiex ser taħdem parti ta' karattru ġdid jew inkella hiex ser taħdem bħala hi nniffisha.
Campbell, li m'ilux ġiet arrestata fl-ajruport ta' Heathrow fl-Ingilterra, mhiex ser tkun l-ewwel personalita' illi ħa tieħu sehem f'din is-serje. Filfatt Victoria Beckham diġa dehret fuq wieħed mill-episodju.

VIP Gossip Aċċident waqt il-filming ta' 'James Bond'

aħbarijietdotcom
26 t' April, 2008 13:41 CET Stuntman li qiegħed jieħu sehem fil-film il-ġdid ta' ‘James Bond' qiegħed f'sitwazzjoni stabbli wara li kellu aċċident waqt il-filming ta' dan l-istess film. L-istuntman Aris Comninos weġġa' sew f'rasu **** ħabat b'Alfa Romeo waqt xena fejn kellu jsuq wara karozza oħra. L-aċċident sar fi triq magħrufa għal kemm hi mserrpa ġewwa Lake Garda fin-Nofsinhar ta' l-Italja.
Rappreżentant għall-film qal li għalkemm għal bidu Comninos kien f'sitwazzjoni tassew kritika, issa s-sitwazzjoni tiegħu qalbet għall-aħjar u jinstab f'waħda stabbli.
Dan l-aċċident kien it-tieni wieħed f'ġimgħa waqt il-filming ta' ‘James Bond'. Filfatt, nhar is-Sibt li għadda raġel li kien qiegħed isuq karozza tat-tip Aston Martin tilef il-kontroll u baqa' dieħel ġo xmara żgħira. Ħadd ma weġġa' waqt dan l-inċident u l-karozza kienet merfugħa mill-ilma ftit tal-ħin wara.
La l-attur prinċipali tal-film, Daniel Craig, u lanqas id-direttur Marc Forster kienu fuq il-post **** seħħ it-tieni inċident.

PARIS HILTON U BENJI MADDEN
Jolqtu persuna bil-karozza u jibqgħu sejrin

aħbarijietdotcom
28 t' April, 2008 01:35 CET Iċ-ċelebri Paris Hilton flimkien mal-maħbub tagħha xahrejn tagħha Benji Madden reġgħu serqu mill-ġdid l-attenzjoni fuqhom, hekk kif fis-sigħat bikrin tal-Ġimgħa filgħodu kienu nvoluti f'aċċident tat-tip 'hit and run'.
Il-koppja kienu għadhom kif telqu mil-klabb 'Foxtail' ġewwa Los Angeles, **** Benji kien qed isuq u baqa' għaddej bil-karozza minn fuq sieq ta' fotografu, tirrapporta l-midja Ingliża.
Il-fotografu vittma Glen Gurniak, beda jgħajjar lis-sewwieq sabiex jieqaf minħabba li l-karozza kienet għaddejja minn fuq siequ. Madanakollu Madden ta' daqqa t'għajn lejn id-direzzjoni tiegħu u baqa' sejjer, filwaqt li Gurniak waqa' ma' l-art fejn qajjem kommozzjoni sħiħa kontra Madden u Hilton.
Aktar tard dan l-inċident ġie rrappurtat lid-Dipartiment tax-Xerif ta' LA, fejn kelliem għal dan id-dipartiment, Steve Whitmore, ikkonferma li dan il-każ kien qed jiġi nvestigat.

Ossessjoni ġdida għal Gwyneth Paltrow

Ossessjoni ġdida għal Gwyneth Paltrow

aħbarijietdotcom
29 t' April, 2008 08:33 CET B'tul ta' madwar sitta sa sebgħa pulzieri, l-attriċi Gwyneth Paltrow xorta waħda tibqa' ssostni l-fatt li ż-żraben kollha li saret tilbes żidula t-tul b'mod konsiderevoli, dan m'għandu l-ebda sinjifikat partikolari.
Gwyneth, li hija waħda mill-attriċi prinċipali fil-film il-ġdid 'Iron Man', dan l-aħħar bdiet tilbes kombinazzjoni ta' tkaken twal u għal ponta ma' dbielet qosra. Dan deher l-aktar waqt il-promozzjoni ta' dan l-imsemmi film fl-Ewropa l-ġimgħa li għaddiet, fejn f'dawn l-okkażjonijiet formali l-attriċi żammet dan l-istil kontinwament.
Madanakollu **** hija ġiet mistoqsija waqt programm tar-radju għaliex addottat dan l-istil il-ġdid, hija qalet biss li tħobb iż-żraben, iżda d-dar hija dik it-tip ta' persuna li tilbes ħwejjeġ kbar u sportivi.
Paltrow stqarret ukoll illi din l-għagħa kollha fuq sempliċi takkuna għolja hija attribwita għal fatt illi l-irġiel għandhom tendenza li jeżaġeraw fejn jidħlu dawn l-affarijiet.

Miley Cyrus tattira attenzjoni negattiva

Miley Cyrus tattira attenzjoni negattiva

aħbarijietdotcom
30 t' April, 2008 04:09 CET L-attriċi żagħżugħa Miley Cyrus dan l-aħħar kienet qed tattira bosta attenzjoni negattiva mill-midja, wara li ħarġu bosta ritratti fejn hija dehret mgeżwra b'liżar iżda b'dahra barra.
Minn naħa tagħha, l-ewwel reazzjoni ta' l-attriċi ta' 15-il sena għal din ir-reazzjoni tal-pubbliku kienet waħda mbarazzanti minħabba li kienu bosta dawk in-nies li ħasbu li hija kienet qed tippoża nuda. Flimkien mal-fotografu tagħha Annie Leibovitz, it-tnejn isostnu li dan m'huwiex minnu. Leibovitz stess qalet illi jiddispjaċiha li dawn ir-ritratti tant sbieħ ta' Miley ġew misinterpretati tant.
Minn naħa tagħhom Disney Channel, li jipproduċu s-serje popolari televiżiva ta' Miley 'Hannah Montana' qalu li jemmnu li nħolqot sitwazzjoni sabiex din l-attriċi tiġi mmanipulata.
Din is-serje ta' ritratti flimkien ma' intervista li saret lill-attriċi ser jiġu ppublikati fl-edizzjoni ta' Ġunju li jmiss tar-rivista 'Vanity Fair'.

Żwieġ għal kantanta Mariah Carey?

aħbarijietdotcom
2 ta' Mejju, 2008 10:58 CET Il-kantanta popolari Mariah Carey qed tqajjem numru ta' spekulazzjonijiet fid-dinja tat-tsetsik, hekk kif numru ta' rapporti qed jgħidu li l-kantanta reġgħet żżewġet. Artiklu partikolari li deher fuq is-sit latina.com żvela kif il-kantanta żżewġet lill-attur Nick Cannon.
Numru ta' sorsi ġew kkwotati jgħidu li l-koppja żżewġu waqt ċerimonja żgħira fil-jiem li għaddew u li bħala mistednin kull ma' kellhom kienu ftit familjari. L-ewwel għajdut fuq l-eżistenza ta' din l-għerusija ħarġu matul il-ġimgħa li għaddiet, hekk kif Carey kienet libsa ċurkett li ħafna kkummentaw li kien ta' l-għerusija.
Jekk dak li qed jgħidu r-rapporti huwa minnu, għal Carey dan ikun it-tieni żwieġ tagħha. Dan wara żwieġ tagħha mal-produttur tal-mużika Tommy Mottola fl-1995. Huma eventwalment iddivorzjaw fl-1998.

Pete Doherty mehlus mil-ħabs

aħbarijietdotcom
3 ta' Mejju, 2008 10:43 CET Wara biss 29 ġurnata l-ħabs minn piena ta' 14-il ġimgħa, il-kantant tal-Babyshambles Pete Doherty ġie mehlus mil-ħabs aktar kmieni milli previst.
Doherty illi llum il-ġurnata għandu 29 sena, ingħata sentenza ta' priġunerija x-xahar li għadda wara li kiser il-kundizzjonijiet imposta mil-Qorti waqt li kien taħt sentenza sospiża.
Iżda minkejja li ġie mehlus mil-ħabs, il-kantant tal-Babyshambles bi ħsiebu jerġa' jaqbad il-vizzji tal-passat. Skond rapport li deher fil-gazzetta Ingliża the Sun, il-kantant mhux ser jieħu appuntamenti għal dawn it-tlett ijiem sabiex ikun jista' jerġa' jipparteċipa fl-esebizzjonijiet tal-grupp u jieħu d-droga.
Rapport li deher dan l-aħħar fil-midja Ingliża rrapporta lli filwaqt li kien għadu l-ħabs, Doherty kien qed jabbuża mid-droga eroina.

Holmes mibgħuta f'boot camp reliġjuż

aħbarijietdotcom
5 ta' Mejju, 2008 08:20 CET L-attriċi Katie Holmes ġiet mibgħuta għal tlett ijiem ġewwa boot camp tax-Xjentoloġija, reliġjon ibbażata fuq kwistjonijiet ta' moralita', etika, Purifikazzjoni, l-edukazzjoni u l-immaniġjar. Dan minħabba li hija kkunsidrat li taċċetta rwol f'Broadway, tirrapporta l-midja Ingliża.
Holmes kienet fil-proċess ta' diskussjoni ma' produtturi li qegħdin jikkunsidraw jerġgħu jtellgħu mill-ġdid fuq il-palk il-play tal-kittieb Amerikan Arthur Miller 'All My Sons' (1947). Iżda skond ir-rivista Star ir-raġel ta' Holmes, l-attur Tom Cruise nkwieta li martu kienet ser tmur toqgħod New York mingħajru sakemm tkun qed taħdem fuq dan il-proġett.
L-istess rivista kkwotat ukoll Xjentoloġist li kien preżenti ma' Holmes f'dan il-'boot camp' fejn huma ġew imposti għal bosta testijiet, sessjonijiet ta' konfessjoni, ħafna qari u proċessi ta' purifikazzjoni fiżiċi. L-istess persuna qalet li dawn is-sessjonijiet ta' counselling spiritwali ġieli damu għaddejjien għal 36 siegħa bi ftit mumenti ta' pawżi provduti u ftit li xejn ikel.
M'huwiex l-ewwel darba li ħarġu numru ta' rapporti fil-midja nternazzjonali fejn sostnew illi huwa Tom Cruise li qed jimponi din ir-reliġjon fuq martu u binthom Suri li għandha sentejn.

Britney Spears tirritorna lura d-dar

aħbarijietdotcom
6 ta' Mejju, 2008 03:56 CET Il-kantanta Britney Spears tinstab lura fi triqitha lejn ħajja normali, wara li rritornat lura f'Kentwood, Louisiana, raħal twelidha għall-ewwel darba f'dawn l-aħħar 12-il xahar.
Is-Sibt li għadda flimkien ma' 30 mistednin oħrajn, Britney attendiet għal festin għad unur oħtha Jamie Lynn li qed tistenna tarbija f'Ġunju ta' din is-sena.
Ir-rivista People rrappurtat illi kollox mexa normali b'riżultat pjaċevoli mmens. Britney tat kondotta eżemplari u ferrħet ħafna lil oħtha li dalwaqt ser tagħmilha zija.
L-istess rapport sostna li ħlief għal żewġ gwardji mal-kanċelli tad-dar sabiex iżommu lura lil paparazzi, dan l-avveniment kien wieħed tassew ħelu b'Jamie Lynn tiftaħ kull rigal li ġiet ippreżentata u tirringrazzja lil kulħadd.
Huwa maħsub illi Jamie Lynn ser ikollha tifla.

Amy Winehouse sabiex tipparteċipa fil-festival ta’ Nelson Mandela Amy Winehouse sabiex tipparteċipa fil-festival ta’ Nelson Mandela

aħbarijietdotcom
7 ta' Mejju, 2008 02:05 CET Il-kantanta Amerikana Amy Winehouse aċċettat illi tipparteċipa fil-festival li ser jittellgħa f'Ġunju li ġej għad unur Nelson Mandela.
Dan il-kunċert li ser jieħu t-tul ta' ġurnata sħiħa ser jinżamm f'Hyde Park nhar is-27 ta' Ġunju sabiex jiġi ċċelebrat għeluq id-90 sena ta' eks president tas-Sud Afrika.
Barraminhekk il-flus li ser jinġabru minn dan il-kunċert ser imorru għall-organiżazzjoni ta' karita' ta' l-AIDS 46664.
Il-midja Amerikana rrappurtat illi Winehouse ħasbita ċajta goffa l-ewwel darba li ċemplula. Iżda malli ndunat li t-telefonata kienet vera, hija ħmaret u aċċettat mil-ewwel.
Fost il-kantanti, mużiċisti u atturi li ser jieħdu sehem f'dan il-festival ta' Mandela, huwa mistenni li jipparteċipaw Elton John, Queen, Eminem, Razorlight, Annie Lennox u bl-attur Will Smith jippreżenta l-kunċert.

VIP Gossip Lindsay Lohan imtella’ l-Qorti fuq kowt!

aħbarijietdotcom
8 ta' Mejju, 2008 02:02 CET L-attriċi Lindsay Lohan ser titressaq quddiem il-Qorti wara li studenta Russa residenti fl-Amerka, qed tgħid illi Lohan serqet il-kowt tagħha temporanjament, tirrapporta l-midja Ingliża.
L-istudenta Masha Markova kienet bil-qegħda qrib ta' l-attriċi ġewwa l-klabb 10ak li jinstab f'Manhattan. Dan l-inċident li seħħ f'Jannar li għadda, ra lil Markova titlef il-kowt tagħha tal-mink li jqum bosta eluf ta' ewro. Kien madwar ħmistax wara li seħħ dan l-inċident **** Markova kienet qed tkellem lil nannitha fuq it-telefon filwaqt li tqalleb rivista. F'daqqa waħda hija tara ritratt ta' Lohan libsa l-kowt misruq tagħha.
Fi tfittxija li għamlet l-istudenta, hija sabet ħafna aktar ritratti ta' l-attriċi Amerikana libsa l-kowt tagħha u dan kien li wassalha sabiex tiftaħ kawża l-Qorti kontra Lohan. Minnufih l-impjegati ta' 10ak ikkuntatjawa u qalula li kienu ser iġibula xi ħaġa lura. Il-kowt misruq malajr waslet lura għand sidha, iżda l-ebda isem jew skuża ma ssemmiet.
Masha Markova qalet li din il-kowt jiswa aktar minn €7,000 u ġie rritornat lura b'riħa taqsam ta' sigaretti u alkoħol, kif ukoll bil-keffa mqatta'.
Huwa għalhekk li ddeċidiet li tkompli bil-kawża tagħha l-Qorti u titlob għal kumpens ta' €6,509 tgħalli għamlet użu mill-kowt tagħha għal tlett ġimgħat mingħajr ma talbitha permess. Hija tal-fehma li dan l-episodju ma kienx inċident.

Xniehat li tgħarsu Kate Hudson u Owen Wilson

aħbarijietdotcom
12 ta' Mejju, 2008 11:31 CET Il-midja Ingliża lbieraħ ħabbret illi ż-żewġ atturi Kate Hudson u Owen Wilson tgħarsu ftit anqas minn tlett xhur ilu wara li reġgħu rrikonċiljaw flimkien.
Kate ntlemħet libsa ċurkett b'djamant solitarju mdaqqas il-ġimgħa li għaddiet ġewwa Boston. Il-gazzetta Ingliża 'News of the World' irrappurtat illi l-koppja qed jippjanaw sabiex jiżżewġu f'ċerimonja privata s-sena d-dieħla. Is-sorsi ta' dan ir-rapport ġiet ikkwotata li qalet li wara li Kate kienet hemm għal Wilson is-sajf li għadda **** huwa pprova jikkometti suwiċidju, dan kien prova biżżejjed għal Wilson li din kienet il-mara li jrid iqatta' l-bqija ta' ħajtu magħha.
Kate u Owen iltaqgħu oriġinarjament waqt li t-tnejn li huma kienu qed jaħdmu fuq il-film 'You, Me & Dupree'. Dak iż-żmien Kate kienet miżżewġa lil kantant tal-Black Crowes Chris Robinson. Iċ-ċkejken Ryder ta' erbgħa snin huwa frott ir-relazzjoni ta' Hudson ma' Robinson, qabel ma nfirdu fl-aħħar tas-sajf ta' l-2006.

Gwyneth Paltrow tippjana adozzjoni

aħbarijietdotcom
14 ta' Mejju, 2008 10:21 CET L-attriċi u stilla tal-film 'Iron Man' Gwyneth Paltrow qed tippjana sabiex tkompli tespandi l-familja tagħha ta' erbgħa, iżda mhux bil-metodu konvenzjonali.
Il-midja Ingliża lbieraħ irrappurtat illi Paltrow għandha mnejn qed tippjana sabiex tadotta, wara li riċentament stqarret li d-darbtejn li kienet tqila kellha esperjenzi verament koroh. Hija kienet stqarret li kull ma kienet tagħmel **** kienet tqila għax kien bilfors u li kienet il-ħin kollu tinsab għajjiena u ma tiflaħx. Tant li ma kienet tista' xxomm xejn u lanqas tiekol normali.
Barra minn hekk wara l-aħħar tqala tagħha hija għaddiet minn perjodu ta' dipressjoni, magħruf aħjar bħala 'post-partum depression', iżda lanqas biss indunat qabel ma ħarġet minn dan l-istat.
Illum il-ġurnata Gwyneth Paltrow hija miżżewġa lil Chris Martin il-kantant tal-grupp Cold Play u flimkien għandhom żewġt itfal, Apple li twieldet fl-2004 u Moses li twieled sentejn wara.

Ashlee Simpson U Pete Wentz

ASHLEE SIMPSON U PETE WENTZ
Ritratti tat-tieġ mibjugħa għal aktar minn $1 miljun

aħbarijietdotcom
17 ta' Mejju, 2008 10:24 CET Il-kantanta tal-Pop Ashlee Simpson u l-bassist tal-Fall Out Boys Pete Wentz, iffirmaw ftehim ta' aktar minn $1 miljun mar-rivista 'People' sabiex din ir-rivista jkollha l-esklussiva fuq ir-ritratti tat-tieġ ta' din il-koppja, tikkonferma l-midja Ingliża.
Wentz u Simpson ħabbru l-għerusija tagħhom f'April li għadda u huwa maħsub li ser jiżżewġu f'dan il-weekend. Il-post magħżul għat-tieġ għadu sigriet.
Kelliem għar-rivista 'People' qal li jinsabu kuntenti ħafna li għal darba oħra koppja ċelebri għażlet lilhom bħala l-medja esklussiva sabiex jaqsmu l-aktar ritratti intimi magħhom.
Riċentament din l-istess rivista ppublikat esklussivament ritratti tat-tieġ ta' Mariah Carey u Nick Cannon, kif ukoll ritratti ta' Jennifer Lopez u Nicole Ritchie flimkien mat-tfal tagħhom.

shton Kutcher kuntent bil-preżent